滾餃

Open Now

Now Closed

同朋友行過駱駝漆大廈買嘢，行行下見到有間餃子店，就行入去試吓。入到去店員全部都包緊餃子，我哋照樣坐低。今次叫咗煎餃同埋湯餃，煎餃要咗芝士粟米餃子同埋黑松露芝士餃子。湯餃就要左香茜豬肉餃同埋香菇粟米豬肉餃。煎餃方面，餃子皮都幾薄，芝士都做到啲拉絲感覺，黑松露唔會太濃味遮晒所有味。至於湯餃如果鍾意香茜可以試吓，香菇粟米豬肉餃都唔失禮。小食方面要咗個肉鬆皮蛋豆腐，肉鬆辣辣地，幾過癮。嘢飲本身要奶茶，不過賣晒，所以要咗豆漿同埋可樂。