黑松露琵琶鴨（半隻）
一上枱已經聞到好香黑松露味，唔係得陣油膩味。皮燒得啱啱好，唔算好脆但夠薄，鴨肉唔肥好嫩滑
煎釀原條鯪魚
呢道係功夫菜，出面愈來愈少見。魚皮煎得金黃，入面釀嘅魚肉同配料，好彈牙。食落無腥味，師傅手勢唔錯。
爆汁現烤雞
真係無改錯名！雞皮燒到薄脆，肉質好juicy，一切開真係有汁流出來。味道醃得夠入味，唔會淨係得層皮有味。
金銀蒜粉絲蒸扇貝
扇貝幾新鮮，金銀蒜落得足，蒜香夠但唔會太辣。粉絲吸晒扇貝同蒜蓉嘅汁，好入味。
總括嚟講，神燈會館真係幾有水準，菜式有傳統亦有少少新意，環境乾淨舒服。如果住屯門或者經過，絕對值得試吓。
