一入餐廳已經睇到維港夜景，幾有氣派！
呢間分店新開幾個月，今次試咗宮崎和牛龍蝦套餐，
以呢個環境同食材質素黎講，性價比真係超高呀！
🥢前菜3品
沖繩水雲酸酸地幾開胃
琥珀小女子香脆
仲有海膽豆腐滑溜帶海膽鮮味！
🥢刺身有油甘魚、牡丹蝦，拖羅。
油甘魚魚脂香濃；
赤牡丹蝦大隻晶瑩，入口鮮甜，加埋三文魚子更提鮮；
拖羅油脂適中無筋。
🥢瀧宴特色散壽司
舖滿咗不同魚生粒，撈埋醋飯一啖入口，幾有層次。
🥄茶碗蒸滑溜，入面有蟹肉絲，暖胃又鮮甜。
🥄味噌湯唔會太鹹，幾順口。
🥢煮物有汁煮愛媛縣鰤魚鮫幾入味，魚肉嫩滑。
🥢鐵板燒係重點
師傅喺魚缸即撈即處理野生龍蝦，肉質彈牙嫩滑，用龍蝦膏炒過特別香。
南非鮑魚大大隻切薄片，煎得爽彈，
牛油調味簡單但突出鮮味。
宮崎和牛揀咗5成熟🥩
油脂豐富，入口即化，點少少海鹽，
或者加蒜片已經夠正！
🥢煙肉香蒜炒飯，炒得粒粒分明，加隻法國太陽蛋撈勻食更香。
最後有抹茶布甸🍮，甜度適中，完美作結。
師傅幾好傾，會同客人互動，成餐飯氣氛輕鬆。
