Terrace in seaside (新城市廣場一期)

Open Now

Now Closed

小清新韓式咖啡店，都開咗好多間啦，第一次嚟沙田分店食，係開係一個open area，都幾得意！佢嘅食物我自己覺得有啲fusion形式，整體嚟講都係偏甜！我自己最鍾意食係佢哋嘅明太子蟹肉飯卷同輕盈又滿足的煙三文魚沙律！千祈唔好睇佢嘅沙律顏色單調，我自己覺得好Refreshing，酸酸地，煙三文魚仲要佔沙律嘅一半，超滿足！另外飯卷都係偏甜，但係有口感，對我嚟講味道都算濃，一食落去會有層次！另外，都點咗佢嘅超級肉醬芝士千層麵，我朋友幾鍾意食，佢個外邊會有少少焦焦地，成個千層麵會比較偏甜，味道都幾濃郁！最後試咗個甜品，叫做開唔開心都試咗先嘅開心果窩夫，超長嘅名！佢成個甜品都比較偏甜，如果你鍾意食甜嘢嘅就會好啱！另外會有啲脆脆喺側邊，有啲口感！