Video
Read full review
2017-10-25
106 views
今日約咗朋友食晚飯, 佢話想食台灣嘢, 經朋友介紹下就嚟咗呢一間. 我哋約咗喺鰂魚涌地鐵站A出口等, 行過去用咗三分鐘, 都算方便. 呢間台灣食店, 位於小巷入面, 行過咗好容易會miss個入口.好鍾意呢間鋪嘅雲石枱, 同埋韓式嘅筷子匙羹, 有種Fusion嘅感覺.我哋兩個人好肚餓, 一嚟就叫咗四個餸.首先係紅燒辣牛腩配船家湯粉. 我好欣賞個湯, 佢用咗蕃茄嚟煲, 有少少辣辣地, 啲白蘿蔔同埋牛腩醃到好入味, 好鬼開胃. 跟住就係糖心蛋肉躁珍珠飯. 肉躁上面放咗好多炸蒜粒同埋青蔥粒, 唔係太多油, 撈埋啲飯啱啱好, 算係偏甜嘅肉燥飯. 另外我哋又叫咗蝦醬腩肉虎夾包, 嘩呢個真係真心好味, 個包好軟熟, 腩肉炸完之後卜卜脆, 入面又多汁, 蝦醬味好香, 又落咗少少麻醬, 加埋啲酸菜一齊食, 口感非常豐富.最後係個三杯雞, 啲雞醃得非常入味, 加埋啲九層塔一齊食, 味道唔錯, 不過略嫌雞肉乾咗少少.總括嚟講呢間都唔錯, 我會再嚟㗎~
我哋約咗喺鰂魚涌地鐵站A出口等, 行過去用咗三分鐘, 都算方便. 呢間台灣食店, 位於小巷入面, 行過咗好容易會miss個入口.
好鍾意呢間鋪嘅雲石枱, 同埋韓式嘅筷子匙羹, 有種Fusion嘅感覺.
我哋兩個人好肚餓, 一嚟就叫咗四個餸.
首先係紅燒辣牛腩配船家湯粉. 我好欣賞個湯, 佢用咗蕃茄嚟煲, 有少少辣辣地, 啲白蘿蔔同埋牛腩醃到好入味, 好鬼開胃.
紅燒辣牛腩配船家湯粉
$58
8 views
0 likes
0 comments
跟住就係糖心蛋肉躁珍珠飯. 肉躁上面放咗好多炸蒜粒同埋青蔥粒, 唔係太多油, 撈埋啲飯啱啱好, 算係偏甜嘅肉燥飯.
糖心蛋肉躁珍珠飯
$46
10 views
1 likes
0 comments
另外我哋又叫咗蝦醬腩肉虎夾包, 嘩呢個真係真心好味, 個包好軟熟, 腩肉炸完之後卜卜脆, 入面又多汁, 蝦醬味好香, 又落咗少少麻醬, 加埋啲酸菜一齊食, 口感非常豐富.
蝦醬腩肉虎夾包
$32
10 views
1 likes
0 comments
最後係個三杯雞, 啲雞醃得非常入味, 加埋啲九層塔一齊食, 味道唔錯, 不過略嫌雞肉乾咗少少.
醉香火炙三杯雞
$88
26 views
0 likes
0 comments
總括嚟講呢間都唔錯, 我會再嚟㗎~
Post
