Video
Read full review
2023-08-03
20 views
同事知道土瓜灣有間車仔麵店有地道家鄕嘢食，今日就叫埋我過嚟試吓。一喜車仔麵除咗有車仔麵食，最特別有潮汕手工丸同埋小米粿。老闆娘話有好多潮汕人士都會過嚟食，個個都話而家係香港好少食到咁好味嘅家鄕食品。除咗堂食重有得買急凍包返去食！車仔麵，揀咗豬皮、豬紅、鳳爪、紅腸配幼麵和沙嗲汁。豬皮、豬紅、鳳爪吸收晒沙嗲汁，非常入味，紅腸煎香有咬口。湯底加左沙嗲汁好濃郁，沾滿每條幼麵，爽口又惹味！另一碗揀咗豬手、午餐肉、魚片頭、陳皮魚蛋、豬大腸配油麵、咖喱汁。豬手炆得夠林又入味，魚片頭爽口，魚蛋都有陳皮香味，豬大腸冇異味兼洗得乾淨，炆得入味有口感，又唔會好韌。汕尾小米粿（豬肉粉粿），小米粿外型似粒小型餃子，外皮是以蕃薯粉搓成，餡料以五花腩及大地魚碎打成，質地就如正常肉餡，整粒都彈牙。傳統米粿的食法是蒸的，而家以雞湯煮，更濕身易入口。香辣單骨雞中翼，雞翼即叫即炸，外層金黃香脆，肉質鮮嫩，加咗少許辣粉更惹味！咖喱王：豬紅、豬皮、蘿蔔，蘿蔔煮得夠林甜，豬紅爽滑，豬皮吸收哂咖喱汁，腍而入味。七喜、凍檸七帶點檸檬酸香，冰冰涼涼好解喝！
一喜車仔麵除咗有車仔麵食，最特別有潮汕手工丸同埋小米粿。老闆娘話有好多潮汕人士都會過嚟食，個個都話而家係香港好少食到咁好味嘅家鄕食品。除咗堂食重有得買急凍包返去食！
車仔麵，揀咗豬皮、豬紅、鳳爪、紅腸配幼麵和沙嗲汁。豬皮、豬紅、鳳爪吸收晒沙嗲汁，非常入味，紅腸煎香有咬口。湯底加左沙嗲汁好濃郁，沾滿每條幼麵，爽口又惹味！
另一碗揀咗豬手、午餐肉、魚片頭、陳皮魚蛋、豬大腸配油麵、咖喱汁。豬手炆得夠林又入味，魚片頭爽口，魚蛋都有陳皮香味，豬大腸冇異味兼洗得乾淨，炆得入味有口感，又唔會好韌。
汕尾小米粿（豬肉粉粿），小米粿外型似粒小型餃子，外皮是以蕃薯粉搓成，餡料以五花腩及大地魚碎打成，質地就如正常肉餡，整粒都彈牙。傳統米粿的食法是蒸的，而家以雞湯煮，更濕身易入口。
香辣單骨雞中翼，雞翼即叫即炸，外層金黃香脆，肉質鮮嫩，加咗少許辣粉更惹味！
咖喱王：豬紅、豬皮、蘿蔔，蘿蔔煮得夠林甜，豬紅爽滑，豬皮吸收哂咖喱汁，腍而入味。
七喜、凍檸七帶點檸檬酸香，冰冰涼涼好解喝！
Post
