鹵家

Open Now

Now Closed

今日食既一間元朗教育路既滷味，主理人仲係一位係多間酒店任職過既師傅。-蜜汁叉燒皇 $76 （配白飯&住家老火湯）白飯係平時茶餐廳兩碗飯既份量，叉燒又多又大舊，細食既兩個人食一個餐都夠哂👍🏻。叉燒肥瘦比例適中，每舊都會有少少燶邊、好脆口，又唔會太焦，岩岩好🤪。加埋無味精既老火湯，正呀！-秘汁鹵家鴨 $68 （配米粉&住家老火湯）米粉同平時食開既有少少唔同，依隻米粉比較彈牙同軟身啲，易入口啲。滷水鴨非常入味，肉質亦唔會好鞋，點埋酸醋汁就更較加惹味。😛-京蔥金錢肚 $40金錢肚係冷盤黎既，配埋青瓜絲、芫荽仲有辣椒絲，十分開胃，食到有少少濟既話食一兩塊金錢肚又可以再開行turbo繼續食！😈-鹵家晚市長期都滿人，證明食身水準係有番咁上下👍🏻，值得一試。