香香宮煮 (金輝大廈)

Open Now

Now Closed

呢間火鍋店裝修有宮廷風，真係好有氣勢！餐廳仲有宮廷服可以著嚟影相打卡。火鍋湯底揀咗建寧公主.特色卜卜蜆鍋，卜卜蜆好多，非常鮮甜，大推👍🏻艾莎公主牛肉寶盒嘅陣容真係非常豪華！手切牛崩沙、手切本地牛肉、新鮮牛展、頂級雪花肥牛，呢啲都係高質嘅牛肉，夠鮮嫩！仲有牛黃喉、牛肉粒同牛舌，種類豐富，可以滿足唔同嘅口味。上伊比利亞橡果豬就係火鍋嘅另一亮點！伊比利亞豬嘅油脂豐富，肉質腍身。手打蟹子墨魚丸同真龍蝦豚肉餃呢啲手工丸子，一定係火鍋嘅精華所在！蟹子墨魚丸彈牙，真龍蝦豚肉餃鮮味十足。香香宮煮響鈴拼盤同自家製足料竹蔗茅根就係火鍋嘅最佳配搭！響鈴吸滿湯底嘅精華，竹蔗茅根清甜解膩，可以平衡火鍋嘅油膩感。