廣麪子

Open Now

Now Closed

香港食粉麵當然唔少得喺筲箕灣東大街嘅安利大排檔，原來喺灣仔開咗間副線，無論價錢定係食物都同安利差不多，店內位置不算多，但都算坐得舒適，而且地理位置都幾方便，距離地鐵站幾分鐘路程。1️⃣ 酥炸魚皮 $26炸魚皮非常鬆脆，而且唔會好碎，會跟一碗湯，拎個魚皮去浸一陣再食，又有另一個口感，完全唔會覺得油膩。2️⃣ 切腩四寶撈幼 $68黎到見到唔止四寶，其實係五寶，包括切腩、魚片頭、雲吞、魚蛋同牛丸，切腩質地非常軟淋，魚片頭非常彈牙，雲吞皮薄餡靚，雖然係幼面但係都非常爽口，配埋個豉油同麻油，香濃又唔會太咸，味道好正🤤3️⃣ 淨魚蛋魚片 $40招牌魚蛋同魚片，彈牙又有魚香，湯底清甜有魚味，配埋佢鎮店之寶自家製辣椒醬，非常惹味，食到唔停口😋4️⃣ 鮮油奶多士 跟餐+$26連飲品見到隔離枱食好吸引，我地又叫咗個鮮油奶多士，厚多士咬落香脆得黎又軟熟，中間一層厚厚嘅牛油，好邪惡呀😈加埋恰到好處嘅煉奶，真係不得了💯