Video
Read full review
2023-03-22
103 views
白石燒烤呢排天氣唔太熱又唔太凍，涼涼地幾啱燒嘢食，咁就約咗幾個朋友去白石燒烤到燒個嘢食。🥰🥰白石個燒烤場比較偏遠少少，如果唔揸車，可以係烏溪沙站附近搭shuttle bus，都好方便架。落車就先去售票處比錢入場，然後就有人帶你入去架啦。燒烤場任何一個位置都會睇到無適大海景，對住個海燒嘢食，真係幾爽架。呢到都好啱一家大細黎玩架，現場有好多攤位遊戲，夾公仔機，而小食部仲有泡泡槍，紙飛機等等，燒嘢食燒到悶悶地既可以出去玩下架。😍😍坐咗冇幾耐就有店員拎野食黎同埋開爐。不得不讚佢地真係好細心同好整潔，每樣食物都係獨立包裝，大部分既肉類甚至係封埋口架，非常衞生。而且佢地仲有包埋一盒紙巾，手套，毛巾，餐具，同埋一本燒嘢食指南，教埋你點燒先最好食，抵讚👍👍。咁我地就叫咗個五人海鮮餐，另外加多一隻古法吊燒雞。五人餐既份量非常大份，有囙同同種類既丸，香腸，粟木，甜薯。而肉類主要有叉燒，雞翼，雞扒，豬扒，每款都有不同調味架。而海鮮方面就有青口，扇貝同埋大蝦等等。☺️☺️先講另加既吊燒雞，隻雞真係好大隻，我地燒到個皮變金黃色就剪開佢黎食。呢隻雞唔似雪雞，肉質結實，唔會淋到豆腐咁，而且都食到有雞味。如果想個皮再脆啲
呢排天氣唔太熱又唔太凍，涼涼地幾啱燒嘢食，咁就約咗幾個朋友去白石燒烤到燒個嘢食。🥰🥰
白石個燒烤場比較偏遠少少，如果唔揸車，可以係烏溪沙站附近搭shuttle bus，都好方便架。落車就先去售票處比錢入場，然後就有人帶你入去架啦。燒烤場任何一個位置都會睇到無適大海景，對住個海燒嘢食，真係幾爽架。呢到都好啱一家大細黎玩架，現場有好多攤位遊戲，夾公仔機，而小食部仲有泡泡槍，紙飛機等等，燒嘢食燒到悶悶地既可以出去玩下架。😍😍
坐咗冇幾耐就有店員拎野食黎同埋開爐。不得不讚佢地真係好細心同好整潔，每樣食物都係獨立包裝，大部分既肉類甚至係封埋口架，非常衞生。而且佢地仲有包埋一盒紙巾，手套，毛巾，餐具，同埋一本燒嘢食指南，教埋你點燒先最好食，抵讚👍👍。
咁我地就叫咗個五人海鮮餐，另外加多一隻古法吊燒雞。五人餐既份量非常大份，有囙同同種類既丸，香腸，粟木，甜薯。而肉類主要有叉燒，雞翼，雞扒，豬扒，每款都有不同調味架。而海鮮方面就有青口，扇貝同埋大蝦等等。☺️☺️
先講另加既吊燒雞，隻雞真係好大隻，我地燒到個皮變金黃色就剪開佢黎食。呢隻雞唔似雪雞，肉質結實，唔會淋到豆腐咁，而且都食到有雞味。如果想個皮再脆啲，可以將個皮落網再燒，咁就更香更脆啦。其他既食物都好唔錯架，尤其係啲海蝦，蝦肉爽口彈牙，蝦頭仲有膏，燒完令佢更香口。各式肉類既調味適中，唔會過咸同過韌。甜薯亦都好香甜，烤過之後皮脆肉嫩，當甜品食就啱晒。😋😋😛😛
Post
