鮨政

Open Now

Now Closed

生日都要OT，放工喺公司附近見到一間餐廳，網上有人話餐廳有日本師傅駐場，見到價錢都可以接受，就同老公去試下當簡單慶祝。一放工唔好講咁多，飲返兩杯先，配埋碟即叫即炸嘅雞軟骨，同埋軟殼蟹，脆卜卜好好味，飲多幾啖啤酒，爽啊！玉子燒入邊夾住明太子，少少辣辣地，特別開胃，蛋卷做得幾滑，而且都幾飽肚。最精彩就係呢一盤二人刺身飯，係一大盤份量真係好多，刺身切到一啖一口，唔會好細粒，厚切食入口好有口感，刺身全部都好新鮮，食得出好鮮甜，食完呢個飯真係覺得好滿足，最後一提：餐廳真係有日本師傅，下次要試吓呢度嘅廚師發辦先。