木子居酒屋

Open Now

Now Closed

呢間係我之前bookmark左好耐既一間居酒屋，今日襯平日午市時間黎。呢到樓底好高，入面裝潢好有日本風情，好有feel。午餐時間黎到原來有lunch set，有壽命，有丼飯，有便當，有烏冬set。角切魚生丼，吉列豬扒烏冬，有茶碗蒸，青瓜漬物。茶碗蒸好滑，食到出加左高湯，所以好鮮甜，入面仲唔同既配料，有冬菇，蟹柳等，好有誠意。角切魚生丼上枱時見到色彩繽紛，感覺好開胃。入面好多款魚生，食落都好鮮甜，魚生切得厚薄適中，口感滑嫩。魚生種類包括三文魚、吞拿魚、帶子，仲有蝦，所以都好豐富。吉烈豬扒烏冬外層酥脆，豬肉內層嫩滑，而且唔會好難咬。烏冬湯底清清地，唔會太咸。配埋茶碗蒸同埋青瓜漬物，食得好飽!