阿三大牌檔

Open Now

Now Closed

太和舊墟一向都有唔少好嘢食，今次對揀嘅呢間新式大排檔相當滿意！👍🏻一入到去，感覺到佢係好舒服嘅大排檔！冷氣夠凍，地方乾淨又衛生，同時不失大排檔嘅感覺。嘢食方面款式多，仲有小食串燒揀今次晚餐時段我地兩個人食左以下嘅小菜：🥬百合炒勝瓜：第一味餸就有驚喜，百合勝瓜香甜可口，而且唔會太多油，感覺好清新又開胃🍤柚子脆蝦球：攞盤好靚，一上枱仲係熱辣辣，即叫即炸，炸皮香脆，蝦肉新鮮爽彈，配埋柚子汁酸酸甜甜，香口又解膩🥩酸菜京蔥牛仔骨：坊間酸菜多數唔係配魚就係豬肚，牛仔骨真係未試過，但估唔到咁夾！😨酸菜同配料份量十足，但竟然牛仔骨都有好多舊！牛肉嫩口唔韌，非常大份，而且好掛汁，香口惹味！酸菜口味唔會過濃，直接食都唔會覺得油膩，好出色！👅虎皮尖椒麻辣炒鴨舌：醉鴨舌，滷鴨舌就食得多，辣炒又係未試過，思考咗好耐臨尾忍唔住嗌埋🤣同樣都係鑊氣十足，辣得好過癮，用嚟送酒真係一流，當然送飯都係好正！