Homeland (彌敦道)

Open Now

Now Closed

之前慶祝生日同朋友去過旺角【Homeland】食，因爲覺得氣氛同食物都幾好，今次再去一次食晚飯。餐廳平日晚餐時間都爆滿，建議一定要book定。選擇困難症既我都係叫左Pizza 2人餐。黑松露牛肝菌蘑菇湯：一上枱已經聞到好香嘅黑松露味，湯嘅質地好滑，牛肝菌同蘑菇嘅香味好濃郁，飲落去好暖胃，再加上一片蒜蓉包、真係好滿足！蘭王蛋素煙肉凱撒沙律：呢個沙律好有心思，蘭王蛋蛋黃流心，配埋素煙肉，口感好豐富。沙律菜新鮮爽脆，醬汁唔會太濃，食落好清新。松露牛肝菌雞肉芝士薄餅：薄餅底脆得嚟唔會太厚，上面鋪滿松露、牛肝菌同雞肉，芝士拉絲效果一流，每一啖都充滿松露香氣，牛肝菌同雞肉嘅配搭好夾，食到停唔到口。酥脆雞翼拼盤9隻：分別係蜂蜜芥末、明太子同金沙三種口味。雞翼炸得外脆內嫩，蜂蜜芥末甜甜哋帶少少辣，明太子鹹香惹味，金沙就係鹹蛋黃味，香濃得嚟唔會太膩，三款都好出色。凍百香果菠蘿綠茶：好清新，百香果同菠蘿嘅酸甜味同綠茶好夾，飲落好解膩。熱即磨咖啡：香味濃郁，入口順滑。