Proton

Open Now

Now Closed

元朗出名多嘢食，除咗大馬路一帶嘅地道餐廳小食之外，如果識得發掘嘅，其實仲有唔少靚靚打卡cafe！其中呢間走工業型格風嘅Proton，以灰黑色為主調，同人煙稠密嘅元朗形成強烈對比，所以放假就嚟到Proton，讓生活放慢步調，享受一份精緻嘅午餐。炸雞、炸蝦，炸單骨雞翼、脆香軟殼蟹、薯條呢個炸物拼盤份量十足，雖然邪惡度高，但同朋友嘆住咖啡share嚟食，真係唔錯！炸雞嘅外皮炸到香脆肉嫩，啖啖都係肉汁；炸蝦非常彈牙，好似食緊天婦羅咁；炸單骨雞翼就夠入味！整體嚟講，炸物質素相當有驚喜。蒜烤澳洲西冷扒午餐西冷扒用上蒜頭調味，所以上枱一刻已經蒜味撲鼻，而半熟嘅澳洲西冷扒口感鮮嫩，蒜味充分提升西冷肉味濃的特式，每一啖都食到充滿蒜香嘅肉汁。作為配菜嘅薯餅並冇因為唔係主角被忽略，濃厚嘅薯仔味加上咬落鬆脆嘅質感，再沾上另上嘅茄汁，真係簡單嘅美味。安格斯牛柳粒、煙鴨胸、芝麻燒肉汁意大利扁意粉另一份午餐就以安格斯牛柳粒嚟做主角，香濃嘅牛肉味當然有保證，粒粒切到一口大小嘅牛柳口感軟腍，鮮嫩多汁。扁意粉容易掛汁，甜甜嘅燒肉汁配上芝麻令意粉變得醒胃。