李家 (埃華街)

Open Now

Now Closed

想食韓式炸雞，一於嚟呢間炸雞店。除咗地道嘅風味，性價比仲非常高。 蔥炸雞即點即炸，十分新鮮。炸粉有少少調味，薄薄哋一層好脆口。炸雞配淋上甜醬嘅蔥絲，甜甜鹹鹹幾開胃。 青辣椒蛋黃醬炸雞蛋黃醬好creamy，加咗青辣椒減低油膩感，再加上爽口嘅洋蔥增加口感層次。因為新鮮炸起嘅關係，連雞胸等都非常嫩滑juicy。 芝士拼辣鳳爪經典韓國小食，鳳爪裹滿韓式辣醬，有種獨特嘅香料味道，辣得過癮。加埋半溶嘅芝士，勁惹味。薯角炸得脆口，一路熱住就唔怕凍晒啦。