新肥泉海鮮大排檔

Open Now

Now Closed

由香港高鐵站🚝步行只需要4分鐘就係既官涌市政大廈，想食香港地道鑊氣小炒，就一定要試下新肥泉😋我都食過唔少熟食中心，但係呢度嘅環境真係數一數二咁乾淨✨，一入門口，就有幾個侍應姐姐🙋🏻‍♀️🙋🏻‍♀️過嚟招呼你，自助QR code落單，只係睇條餐單都用咗我幾分鐘，真係太太太多選擇，樣樣都好吸引，睇到我眼花撩亂。🤓🤓🐓當紅炸子雞(半隻）🐓炸子雞經油炸之後，仍然保持嫩滑香甜嘅肉汁，皮脆肉滑嘅雞子雞，唔會油膩，送啤酒🍻一流，而伴碟仲有自家製蝦片，香脆可口，一樣咁出色👍🏻🐮黑椒薯仔牛柳粒🐮呢味菜係去大排檔必點嘅菜式之一，薯仔🥔炸到外脆內鬆化，外層再加上蜜糖🍯，非常美味，而牛柳粒🐮烹調嘅時間拿捏得啱啱好，五至七成熟嘅口感軟嫩多汁。🥬肥泉小炒王🥬一碟小炒王絕對可以睇得出大排檔廚師嘅功架，肥泉小炒王韭菜花🥬炒到爽嫩冇渣，另外，再加上乾魷魚🦑、新鮮魷魚🦑、蝦乾🦐、炸腰果🥜等等等等，口感極為豐富，必試！😋家鄉生煎蓮藕餅😋蓮藕餅，口感爽脆，再配上肥瘦適中嘅豬肉，層次分明嘅口感，爽脆中帶肉香。