HeySoNuts

Open Now

Now Closed

土瓜灣呢一間人氣cafe之前都想去趁去開啟德睇演唱會之前去試下手打西冷牛肉原隻大啡菇漢堡配薯條$156漢堡包烘過內軟外脆，漢堡扒煎到焦香，肉味濃，大啡茹好juicy。香草醬烤焗羊膝$328呢個份量兩個人食都好飽，羊肉細滑無騷味，點羊肉汁就令肉味更香，點薄荷青瓜yogurt 就味道清新；配菜有茄子、翠玉瓜同青瓜，全部都好 juicy 無燉到乾哂。開心果茉莉花醬窩夫(半份)$74滿滿嘅開心果茉莉花醬，加上開心果碎、士多啤梨同薄脆，口感豐富，開心果加上茉莉花 感覺都幾清新，如果開心果醬再濃少少會好啲。白桃手搖冰茶$48清爽白桃香味，唔會太甜，同茶味好夾手沖咖啡$56手沖咖啡係咖啡師推薦嘅，佢會先問我比較鍾意果香/花香/果仁香味先，之後佢再建議3款，我就揀咗“印尼厭氧水洗“，呢款飲落好重哈密瓜味，仲帶少少橙同青瓜味，好清爽。