昭和食堂

Open Now

Now Closed

門趟開後就好似穿越咗去日本昭和年代嘅居酒屋，天花掛滿紙燈籠，牆身貼滿好多昭和風嘅poster，並用上木系傢俬，仲播放著七八十年代嘅日本歌，氣氛一流。魷魚明太子卷$88 魷魚鎅咗花，食落完全唔覺韌，相反口感好爽滑，裏面卷住明太子、大葉及青瓜絲，口味清新。雞皮仙貝$40炸到薯片一樣脆卜卜，清爽唔油膩，雞皮完全冇肥膏黏住，所以食落完全冇罪疚感。蟹膏甲羅燒 跟脆魚餅$128蟹膏超濃郁又鹹香，將蟹膏塗上脆魚餅上，又香又脆，齒頰留香。鰈魚邊壽司(件)$50油脂滿溢嘅鰈魚邊火炙過更能帶出油脂嘅甘香味美，入口脂(滋)味滿溢。昭和海鮮卷$228上層甘甜海膽再加鮮甜洋蔥吞拿魚蓉，並捲住帶子、三文魚、榮螺、蝶魚裙邊及吞拿魚等海鮮，海鮮種類豐富，仲有脆卜卜三文魚籽，整體鮮甜味美口感豐富。雞軟骨(串)$35口感爽脆雞肉丸(串)$32質地軟腍，帶着濃濃嘅洋蔥甜香。燒鹿兒島黑豚腩$180炭香味濃夠哂風味，肉質鮮甜且豬肉味濃香，質地Q彈又爽口。