強興咖啡室

Open Now

Now Closed

南山邨是個老屋邨, 無論是樓宇、設施、冬菇亭等等,你仍然可以見到四十年前香港的老模樣。每次假期當我要回CITY 做功課時, 我也會到南山邨的冬菇亭吃早餐。你或許會問 「CITY 的Canteen 比冬菇亭還要便宜幾蚊, 為什麼還要到無冷氣有隨街可能有雀屎的地方吃早餐?」其實無他, CITY CANTEEN 美心D野食我經常都食到,但時代巨輪唔知會幾時殺到埋身, 那不如就趁無人注意、無人知的時候去留倩影, 留下最平常的一刻。強興是南山邨冬菇亭最入面果一間, 我就坐在最後的一張檯, 留住時間、留住美食, 看師奶們每日閒話家常, 看鳥兒在檯下啄麵包碎。早餐一個要27元, 包煎雙蛋、一個粉麵和茶。如要食火腿炒蛋就要加2元, 又或大食一點就可以加3元配奶醬.奶油多。煎雙蛋燶邊而不過火, 蛋黃流心而豐盈, 是我所喜愛的。榨菜米份量足, 甚至多到我想再加多個米粉。熱奶茶雖不是最上等, 但無論茶味, 香度和奶量已算中等了。奶醬多即叫即烘, 醬多至瀉, 3蚊超值。吃冰室食物, 吃最普通的早餐午餐常餐, 不用同人逼, 不用等候, 不被趕客,是最寫意, 最能享受食物的。