一喜‧涮涮鍋

Open Now

Now Closed

我地入座問咗女侍應可唔可以分單俾錢，佢叫我地最後先嚟問分單件事。所以我地賣單時就問咗男侍應可唔可以分單俾。問完後，個男侍應就話：「咁你地下次應該早講啊嘛。」;; 咁即係早啲定遲啲講啊，有啲矛盾喎⋯⋯不過嘢食好味的，而且價錢OK正常。牛肉不錯。啲侍應都好好嘅，見到我哋湯就快冇嘅時候就幫我哋添加。我試咗本店嘅蜂蜜柑橘綠茶，一斟出嚟佢個樣都有啲奇怪🤔點知返到座位飲個茶嘅時候先發現原來係水！唔知係咪部機有問題呢？總括而言，都OK嘅，我推薦食咖啡雪糕。但係啲侍應好似唔知對方講咗啲咩咁，搞到我食得唔係好開心。希望侍應服務態度可以進步。