Video
Read full review
2025-05-18
0 views
彌敦道唐坊火鍋私房菜星期三晚約咗朋友夫婦敘舊一齊出嚟食飯，去咗旺角彌敦道試吓食火鍋私房菜。食肆位於大廈23樓頂層，環境清靜仲有無敵景觀，屬於少有靚view嘅食肆，同時間仲有一班靚仔靚女食客包咗一個廂房慶祝生日，我估計大家都係響應留港消費，幫幫香港餐飲業。食肆佈置簡單新穎，座位枱桌非常寬敞清潔乾淨。而私房菜餐牌都有幾多不同選擇，晚飯九點前八八折，九點後八折。我哋簡單啲叫咗個OpenRice有嘅四人餐Menu嘅唐老鴨鍋。首先上嚟嘅係唐老鴨鍋，先飲呢一煲老鴨魚翅湯，鴨肉嘅酥香味濃郁，嘴裏充滿鴨肉獨有嘅香甜味，湯底有魚翅蘿蔔果皮薑粒紅棗配料，蘿蔔清甜可口，連同軟腍鴨肉一齊食齒頰留香。手切封門柳牛肉口感實在，肉質唔會嚡口，而伊比利亞像果豬則非常出色，估唔到豬肉都有咁嫩滑嘅表現。三寶丸與餃子拼盤賣相靚仔。手打蝦丸蝦肉爽滑彈牙，蝦味較為清淡，連同自混醬汁食更加美味。墨魚丸超級彈牙有口感，墨魚肉碎粒更提升墨魚丸之內在美，感覺別不同。而自製水餃肉味濃郁，跟鴨湯汁一齊味道有提升。海鮮拼盤擺設漂亮新鮮，白灼鮑魚肉質非常軟腍海鮮鮮味突出，滿嘴鮑魚肉實在是太幸福了；大扇貝肉質嫩滑，連醬汁一齊食更加美味有加；海蝦
星期三晚約咗朋友夫婦敘舊一齊出嚟食飯，去咗旺角彌敦道試吓食火鍋私房菜。食肆位於大廈23樓頂層，環境清靜仲有無敵景觀，屬於少有靚view嘅食肆，同時間仲有一班靚仔靚女食客包咗一個廂房慶祝生日，我估計大家都係響應留港消費，幫幫香港餐飲業。
食肆佈置簡單新穎，座位枱桌非常寬敞清潔乾淨。而私房菜餐牌都有幾多不同選擇，晚飯九點前八八折，九點後八折。我哋簡單啲叫咗個OpenRice有嘅四人餐Menu嘅唐老鴨鍋。
首先上嚟嘅係唐老鴨鍋，先飲呢一煲老鴨魚翅湯，鴨肉嘅酥香味濃郁，嘴裏充滿鴨肉獨有嘅香甜味，湯底有魚翅蘿蔔果皮薑粒紅棗配料，蘿蔔清甜可口，連同軟腍鴨肉一齊食齒頰留香。
手切封門柳牛肉口感實在，肉質唔會嚡口，而伊比利亞像果豬則非常出色，估唔到豬肉都有咁嫩滑嘅表現。
三寶丸與餃子拼盤賣相靚仔。手打蝦丸蝦肉爽滑彈牙，蝦味較為清淡，連同自混醬汁食更加美味。墨魚丸超級彈牙有口感，墨魚肉碎粒更提升墨魚丸之內在美，感覺別不同。而自製水餃肉味濃郁，跟鴨湯汁一齊味道有提升。
海鮮拼盤擺設漂亮新鮮，白灼鮑魚肉質非常軟腍海鮮鮮味突出，滿嘴鮑魚肉實在是太幸福了；大扇貝肉質嫩滑，連醬汁一齊食更加美味有加；海蝦肉脆鲜甜特出；沙蛤雖然細細隻但肉質夠軟嫩；最特別嘅就係第一次食脆肉鯇，魚腩非常爽脆，不但無淡水魚嘅泥味，魚肉味鮮兼味強勁，值得一試再試，估唔到用蠶豆餵鯇魚，就咁容易改變鯇魚嘅肌肉結構。
響鈴加埋烏冬連蔬菜包尾已經飽到九成九，再食埋甜甜清香嘅椰汁雪燕糖水感覺十成十，又係一個美麗的晚上。
Post
