Park café

本身真係好鍾意食自助餐，見到佢做優惠，每人除返開都係三百幾蚊真係大癲，你入到場有好多唔同海鮮，包括蟹腳同麵包蟹，好新鮮海水味好重，非常之鮮甜。除此之外，仲有好多刺身。今次去做咗西班牙嘅美食，有乳豬，西班牙炒飯等等，全部都非常之特色，好ok。重點係紅白酒任飲，仲要係唔使加錢，真係好黐線。最後仲要食好多唔同味道嘅雪糕，我有我最鍾意嘅雪巴。整體來講，呢個價錢真係冇得輸，朋友亦食得好開心，下次都一定再次光顧。