一起食堂 (域多利皇后街)

Open Now

Now Closed

小店位置顯眼，容易搵到，裝修日系。我哋叫咗一條原條鰻魚飯， 鰻魚好大條，可以覆蓋成個飯碗，好壯觀，入面仲有隻溏心蛋，鰻魚肉都好滑有韌性同埋好夠醬汁。小食叫左台灣腸，外皮脆脆的， 有生蒜配搭一級棒。我哋仲叫咗蝦卷，鹽酥雞，同埋滷肉煮青菜，蝦卷炸到好脆好香口，蝦仁好juicy，滷肉煮青菜帶出個鮮味好正。甜品就叫了一個芋圓燒仙草，佢有分熱和凍，我哋叫了一個熱的，個仙草一開始係水狀，等到佢冷卻到室溫狀態，佢就會凝固成塊狀的仙草，非常得意，芋圓比較多麵粉，不過都幾有彈性。蘆薈桂園雪梨茶很養生，蘆薈粒好juicy，入口感覺好fresh，但味道便甜，如果放少D糖就好啦。