Video
Read full review
2023-12-20
73 views
識飲識食嘅朋友今日帶我嚟到佐敦官涌熟食中心，呢間新肥泉海鮮大排檔超正，見住師傅用個大鑊煮嘢食，全場都聞到香味👍🏻好有feel!!!我哋人少少，叫咗三樣嘢食，每樣都抵食夾大件，而且勁好味🤤椒鹽鮮魷拼九肚魚，仲喺我哋兩個掙扎食椒鹽鮮魷定九肚魚嘅時候，竟然俾我哋發現原來佢有雙拼，呢間餐廳真係識做，完全滿足大家想樣樣都食到嘅心態🫡抵佢咁旺場！椒鹽鮮魷拼九肚魚勁有鑊氣，外皮勁香脆又夠惹味，可口，用嚟送啤酒一流☺️再嚟叫咗個豉汁蒸白鱔，咸鮮味十足，白鱔肉勁滑嫩，但層魚皮又好彈牙🤗有口感，忍唔住啜埋啲魚骨嘅汁嚟食🤣香辣魚皮超級脆口，又辣得過癮，呢個真係無論飲啤酒定可樂都咁正！呢間大排檔真係夠晒鑊氣，食物都好有水準🥰
我哋人少少，叫咗三樣嘢食，每樣都抵食夾大件，而且勁好味🤤
椒鹽鮮魷拼九肚魚，仲喺我哋兩個掙扎食椒鹽鮮魷定九肚魚嘅時候，竟然俾我哋發現原來佢有雙拼，呢間餐廳真係識做，完全滿足大家想樣樣都食到嘅心態🫡抵佢咁旺場！椒鹽鮮魷拼九肚魚勁有鑊氣，外皮勁香脆又夠惹味，可口，用嚟送啤酒一流☺️
再嚟叫咗個豉汁蒸白鱔，咸鮮味十足，白鱔肉勁滑嫩，但層魚皮又好彈牙🤗有口感，忍唔住啜埋啲魚骨嘅汁嚟食🤣
香辣魚皮超級脆口，又辣得過癮，呢個真係無論飲啤酒定可樂都咁正！
呢間大排檔真係夠晒鑊氣，食物都好有水準🥰
Post
