Video
Read full review
2025-08-20
0 views
🐑首先個玻璃枱面同埋碗筷全部都黐𣲷𣲷咁，要改善一下🐑冰鎮醉鮑魚，浸得好入味，除咗有濃烈嘅花雕味外，仲加有話梅味，可惜第一步白烚嘅時候過咗龍，有啲靭🐑古早腩叉併腩仔，燒腩仔肥瘦參半，部位幾靚，鹹味亦落足，衰在個皮係硬脆而非鬆脆；腩叉燒得幾好，亦係肥瘦參半，有豐富嘅燒烤味同麥芽糖味，啱我個人胃口🐑海底椰燉竹絲雞湯，佢個湯燉嘅時間好足夠，以湯內赤肉粒都燉到相對夠鬆散，以及連雞骨豬骨都燉到已經化化地嘅情況估計，起碼燉咗超過8個鐘，當然好夠味🐑黃豆醬蒸蟶子，黃豆醬係麵豉醬，幾香濃，蟶子係新鮮嘅，蒜蓉亦有預先畀咗少少底味先入爐蒸，唯一係粉絲浸唔透身，入口頗硬🐑薑蔥班球煲，煲仔夠熱，成個餸夠乾身，不過欠缺惹味，算係合格之上啦🐑欖菜肉崧炒飯，炒得夠乾身，粒粒分明，唔油膩，充滿我最愛嘅美極鮮醬露味，單以炒飯嚟評論，呢個炒飯其實係唔錯嘅，不過以欖菜肉崧炒飯嚟講，冇乜欖菜味又冇乜肉崧，咁就差咗少少嘞🐑九年陳皮百合紅豆沙，都煲得幾綿，不過又冇乜陳皮味，任你講一百年陳皮都冇用
🐑冰鎮醉鮑魚，浸得好入味，除咗有濃烈嘅花雕味外，仲加有話梅味，可惜第一步白烚嘅時候過咗龍，有啲靭
🐑古早腩叉併腩仔，燒腩仔肥瘦參半，部位幾靚，鹹味亦落足，衰在個皮係硬脆而非鬆脆；腩叉燒得幾好，亦係肥瘦參半，有豐富嘅燒烤味同麥芽糖味，啱我個人胃口
🐑海底椰燉竹絲雞湯，佢個湯燉嘅時間好足夠，以湯內赤肉粒都燉到相對夠鬆散，以及連雞骨豬骨都燉到已經化化地嘅情況估計，起碼燉咗超過8個鐘，當然好夠味
🐑黃豆醬蒸蟶子，黃豆醬係麵豉醬，幾香濃，蟶子係新鮮嘅，蒜蓉亦有預先畀咗少少底味先入爐蒸，唯一係粉絲浸唔透身，入口頗硬
🐑薑蔥班球煲，煲仔夠熱，成個餸夠乾身，不過欠缺惹味，算係合格之上啦
🐑欖菜肉崧炒飯，炒得夠乾身，粒粒分明，唔油膩，充滿我最愛嘅美極鮮醬露味，單以炒飯嚟評論，呢個炒飯其實係唔錯嘅，不過以欖菜肉崧炒飯嚟講，冇乜欖菜味又冇乜肉崧，咁就差咗少少嘞
🐑九年陳皮百合紅豆沙，都煲得幾綿，不過又冇乜陳皮味，任你講一百年陳皮都冇用
Post