Video
Read full review
2022-03-30
1329 views
石門咁耐，而家先知道陳根記有甜品🤣試咗三個甜品，「芒果一口脆」、「香蕉朱古力拿破崙」、「楊枝甘露」。1. 「芒果一口脆」舖頭寫住推介，咁一定要試吓！ 果然唔錯，外層用麵包糠炸到脆脆，裏面粒芒果好大粒，非常鮮甜！不過有個建議，下邊唔需要咁多忌廉，可能本身怕太乾？其實芒果好多汁， 食落唔會乾，忌廉反而有啲林左。2. 「朱古力香蕉拿破崙」呢個甜品就真係麻麻地，如果再俾我揀，我會揀芒果拿破崙。太多忌廉，一次落去已經爆曬出嚟，雖然明白拿破崙本身要用糖整到脆波波，但實在太甜啦，邊度見到個餅好多糖粒….其實佢冇乜朱古力成份，中間有啲薄薄甜香蕉，好努力食，我食咗三份一真係太甜放棄咗….. 3. 「楊枝甘露」抱歉呢個唔記得影相，不過好好食啊！裏面有兩大舊芒果，仲有啲爆珠，食落好濃郁，非常推介！另外都買咗一個例牌Wasabi手撕雞已經好耐冇食，味道同以前有少少分別。雞老左少少，無咩wasabi 味了，但總括而言都OK既！
試咗三個甜品，「芒果一口脆」、「香蕉朱古力拿破崙」、「楊枝甘露」。
1. 「芒果一口脆」
舖頭寫住推介，咁一定要試吓！ 果然唔錯，外層用麵包糠炸到脆脆，裏面粒芒果好大粒，非常鮮甜！
不過有個建議，下邊唔需要咁多忌廉，可能本身怕太乾？其實芒果好多汁， 食落唔會乾，忌廉反而有啲林左。
2. 「朱古力香蕉拿破崙」
呢個甜品就真係麻麻地，如果再俾我揀，我會揀芒果拿破崙。太多忌廉，一次落去已經爆曬出嚟，雖然明白拿破崙本身要用糖整到脆波波，但實在太甜啦，邊度見到個餅好多糖粒….其實佢冇乜朱古力成份，中間有啲薄薄甜香蕉，好努力食，我食咗三份一真係太甜放棄咗…..
3. 「楊枝甘露」
抱歉呢個唔記得影相，不過好好食啊！裏面有兩大舊芒果，仲有啲爆珠，食落好濃郁，非常推介！
另外都買咗一個例牌Wasabi手撕雞
已經好耐冇食，味道同以前有少少分別。雞老左少少，無咩wasabi 味了，但總括而言都OK既！
Post
