The Farmhouse 咖啡廳

五六月係孝敬雙親嘅好時節，呢晚我就帶咗媽媽嚟呢間位於北角嘅酒店，食個春祭り日本主題自助晚餐，向佢表達吓愛意😍順便同大家實測吓呢個buffet有幾抵食啦🧐冰凍海鮮鍾意食海鮮嘅嚟食就必定回本㗎啦，呢度有提供波士頓龍蝦、磯煮鮑魚、鱈場蟹腳、蝦、青口等嘅海鮮🦞 我就最鍾意波士頓龍蝦，肉質彈牙，又低卡路里 。刺身壽司即切刺身有好多款，有三文魚就基本啦，仲有黃鰭吞拿魚、北海道帆立貝同甜蝦等，非常鮮味🦐 平時食自助餐我就好少食壽司，怕好快飽，不過呢度嘅火炙壽司都成功吸引到我啊🍣熟食區烤有骨肉眼即叫即切，肉質粉嫩🍖燒日本生石蠔都非常之正，飽滿多汁🦪其他嘅明爐燒味、天婦羅、唐揚炸雞、西京燒三文魚柳、黑椒蒜片炒和牛粒等都幾唔錯😌 想食麵嘅話，可以去即煮嘅粉麵區，自行選擇心水配料、湯底同麵類，想多啲日式感覺就可以揀拉麵配黑蒜油湯底啦🍜甜品本身一行入餐廳已經俾呢個旋轉雪糕櫃吸引，入面有10種雪糕口味選擇，我都揀到花多眼亂啊🍦抹茶提拉米蘇、焙茶蛋糕捲、草莓大福、抹茶歌劇院蛋糕、銅鑼燒都係我嘅心水推介🍰呢度唔止任食仲係任飲㗎，罐裝汽水或者咖啡茶都有得供應，呢個價位嚟講，可以話係天花板級嘅酒店buffet🤩 呢間餐