捌加廿陸天婦羅居酒屋

Open Now

Now Closed

旺角呢間天婦羅專門店勁有日本feel😍😍一入門口就已經彷彿去左日本地下一排吧枱位置閣樓仲有他他咪位置 好有氣氛呢餐真係又豐富又滿足！天婦羅定食可以自選食材，我揀咗冷蕎麥麵、廣島蠔、鰻魚、那哥魚、金菇同茄子🍆🍆炸得夠酥脆，唔會過油，每樣都食到食材嘅原味，特別係廣島蠔，又大隻又鮮甜，正！金菇真係好好食鰻魚仲有汁，第一次食天婦羅版鰻魚😋😋天井就更加精彩，黑虎蝦夠彈牙🍤🍤🍤蟹柳有陣微微鮮甜味，南瓜、蓮藕同四季豆都炸得剛剛好，外脆內軟，口感一流吉烈豬扒亦係驚喜，外層香脆，裡面肉質嫩滑唔乾，配埋日式醬汁，一啖啖食落去超滿足！🐽🐽🐽最特別要講就係鵝肝蘋果天婦羅，鵝肝香滑濃郁，配上微酸鹹鹹地嘅蘋果🦢🦢🦢炸完之後仍然保持果香，味道層次好豐富，係完全估唔到咁夾嘅組合！成個餐點感覺好精緻，炸物唔會過重，食完唔會膩。值得推介！