Video
Read full review
2013-08-07
2546 views
陳生買咗「銀鑛灣渡假酒店」團購同我去梅窩威威，成個package都係中伏之選，團購包自助爛鬼早餐及頹廢晚餐set dinner。******************************頹廢晚餐set dinner，原價$148，依家團購包咗，以咁嘅質數，$48就差唔多，其餘當比咗無敵海景同寧靜夜景，建議用餐時坐戶外，坐室內好冇FEEL。中式雜菜湯，稀稀地，我食咗入邊嘅雜菜，冇飲湯。沙律好過冇，食得出生菜唔係太新鮮，好彩個凱撒汁幾開胃，意大利火腿蜜瓜沙津真係普通到不能再普通，即係火腿､蜜瓜､青瓜､車喱茄撈埋一碟拼成沙津咁款囉。Main Course 法式芥蜜燒羊鞍，羊鞍本身幾好肉地，亦夠羊羶味，但比佢嘅煮法糟蹋咗！醃得好那西，我食咗一件羊鞍，有一啖勁咸，咸到好似食鹽咁。成件羊鞍未收水，濕淋淋，「燒」乜鬼羊鞍啊，你話係「汁煮」羊鞍我都冇咁嬲啊大佬。另一傑作係炭燒紐西蘭肉眼扒配黑椒汁，Order肉眼扒個時佢冇問我要幾成熟，已經心知不妙。果然，真係快餐式牛扒配黑椒汁，好SAD囉，鋸扒變食碟頭飯，不如我去大家樂食，大家樂好味好多囉。陳生叫咗杯凍檸茶，凍檸茶味道超怪！！好似用綠茶當紅茶沖檸茶嘅
成個package都係中伏之選，團購包自助爛鬼早餐及頹廢晚餐set dinner。
******************************
頹廢晚餐set dinner，原價$148，依家團購包咗，
以咁嘅質數，$48就差唔多，
其餘當比咗無敵海景同寧靜夜景，
建議用餐時坐戶外，坐室內好冇FEEL。
中式雜菜湯，稀稀地，我食咗入邊嘅雜菜，冇飲湯。
沙律好過冇，食得出生菜唔係太新鮮，好彩個凱撒汁幾開胃，意大利火腿蜜瓜沙津真係普通到不能再普通，
即係火腿､蜜瓜､青瓜､車喱茄撈埋一碟拼成沙津咁款囉。
Main Course 法式芥蜜燒羊鞍，羊鞍本身幾好肉地，亦夠羊羶味，
但比佢嘅煮法糟蹋咗！醃得好那西，
我食咗一件羊鞍，有一啖勁咸，咸到好似食鹽咁。
成件羊鞍未收水，濕淋淋，
「燒」乜鬼羊鞍啊，你話係「汁煮」羊鞍我都冇咁嬲啊大佬。
另一傑作係炭燒紐西蘭肉眼扒配黑椒汁，Order肉眼扒個時佢冇問我要幾成熟，已經心知不妙。
果然，真係快餐式牛扒配黑椒汁，好SAD囉，鋸扒變食碟頭飯，
不如我去大家樂食，大家樂好味好多囉。
陳生叫咗杯凍檸茶，凍檸茶味道超怪！！
好似用綠茶當紅茶沖檸茶嘅味道，飲咗一啖放棄，
唔想作賤自己。
******************************
翌日，輪到自助爛鬼早餐，真係好難食，
相都冇MOOD影囉，我都唔想浪費筆墨去形容。
一話講哂，
冇乜選擇､炒蛋冇味､腸仔勁油､漢堡扒勁咸､牛奶超稀､烚蛋過熟､沙津飽肚。
******************************
呢一世都唔會再幫襯，再會啦！你地繼續努力啦！
Other Info. :
坐戶外係吸煙區
(The above review is the personal opinion of a user which does not represent OpenRice's point of view.)
Post
