公車泰國餐廳

Open Now

Now Closed

自從搬咗入大西北，好彩有個同事都係住附近，好多時大家放工可以一齊去發掘好嘢食🤤我耐唔耐就會想食泰國嘢，今次走嚟元朗「公車泰國餐廳」，而家好少見餐廳會咁大間咁闊落，睇得出係元朗嘅老字號，所以未食都已經信心大增🤭我哋嗌咗餐廳主打東蔭醬燒骨，另外嗌咗個勁抵食二人餐，$218可以揀兩個小菜，套餐包埋2個白飯同2杯嘢飲，貪心啲仲可以用$50加多個小菜，最多可以加2款✌🏻冬蔭醬燒骨 ⭐️⭐️⭐️⭐️⭐️見到餐廳推介冬蔭醬燒骨，喺第2啲餐廳又冇見過，所以一定要試吓，但估唔到原來1份3條骨係咁巨型！醬燒骨燒到表面有焦燶感，所以表面會脆脆地，加埋沾滿東蔭醬，食到少少辣味又帶啲酸味，味道真係好出色！泰式燒豬頸肉 ⭐️⭐️⭐️⭐️⭐️以為套餐會細碟啲，點知上枱見到豬頸肉份量超大😳豬頸肉肉質唔會死實，點埋濃郁醬汁真係好惹味👍🏻泰式炒蟶子 ⭐️⭐️⭐️⭐️⭐️相比起炒蜆我更鍾意炒蟶子，蟶子平時價格偏高，所以見到套餐有得揀炒蟶子，梗係唔好執輸啦🤣蟶子爽口彈牙幾新鮮，雖然份量真係好大，但唔經唔覺我哋都食晒成碟❣️泰式肉碎生菜包 (豬) ⭐️⭐️⭐️⭐️生菜包係我食泰國嘢嘅必食之選，呢度嘅生菜包味道偏甜少少，相對嚟講辣味會無咁出，啱晒唔係好食得辣嘅朋友👍🏻