東京街日本料理 (西洋菜南街)

Open Now

Now Closed

今日去旺角行街買衫， 行到攰攰地搵地方食晚飯， 旺角真係好多好嘢食，尤其是西洋菜街一帶，最後揀咗東京街日本料理。我哋叫咗幾款壽司、刺身盛C、 炸魷魚鬚同日式叉燒拉麵。刺身盛C： 有三文魚兩件、北海道帶子兩隻、甜蝦兩隻同海膽一份， 三文魚厚切油脂豐富入口柔軟， 北海道帶子大大件 鮮甜美味口感豐富， 甜蝦肉質細嫩， 海膽鮮味濃郁， 幾款刺身都好鮮甜美味。炸魷魚鬚： 外皮酥脆肉質彈牙， 配上沙律醬完美配搭。日式叉燒拉麵：拉麵麵質彈牙口感順滑，時間煮得剛剛好，日式叉燒肉質軟嫩油脂分佈均勻，加28蚊仲可以轉套餐，有湯、茶碗蒸、蟹子沙律同飲品，超正。