稚

Open Now

Now Closed

通常都係星期日下午黎，今次就揀咗喺夜晚嚟，分別叫咗兩個定食，同午市稍為唔同嘅係，配菜會變左關東煮，入面既腐皮年糕好煙靭。麵豉湯係有落到本菇同蜆，飲得出有心機原條招牌蒲燒鰻魚：原條鰻魚嘅份量真係好大，上面嘅照燒醬汁非常惹味，魚肉細嫩，送飯一流。西京燒比目魚：比目魚係每次嚟必定叫嘅菜式，魚本身嘅調味已經好惹味，仲可以跟隨自己嘅喜好加入適量嘅沙律醬，提升味道嘅層次。魚扒某一啲部位特別肥美，油脂會充滿口腔。和牛可樂餅：可樂餅炸得啱啱好，嗰層炸皮唔會太硬太厚，入口比較甘甜，番薯嘅味道突出，夾雜住牛肉嘅香味