髀加燒

Open Now

Now Closed

估唔到係舊屋村都可以揾返懷舊美食---正宗又美味的「生炸脾」。為「生炸脾」慕名而去, 就係位於石硤尾南山村嘅「脾加燒」。假日雖然已有不少港人北上, 但呢間餐廳依然坐滿食客, 可見人氣十足!!餐廳地方不大, 設有室內室外座位。食物款式雖然唔多, 黎到一定要食招牌生炸脾, 而下午茶就更加抵食!生炸雞脾可自選配飯/薯條/沙律, 飲品另加$4。生炸雞脾即點即炸, 製作需時, 但係值得等!! 雞脾大大隻, 炸皮炸得金黃不油, 香脆度十足!! 肉質嫩滑又keep到肉汁, 真係冇得彈!! 配薯條真係飽肚又滿足。脾加燒巨人豬扒飯:同樣係招牌菜果然有番咁上下, 兩大塊豬扒份量十足, 燒到微濃更覺香口入味, 咬落軟硬適中有肉汁, 鐘意食豬扒的不要錯過。香爆魷魚鬚:魷魚鬚爽彈唔韌, 爆炒香口微辣惹味。薯條:散點粗薯條份量多, 外脆內軟不太油, 點埋茄醬食就更加完美。