Video
Read full review
2024-05-25
269 views
餐廳：渝味碗碗香 (新蒲崗)地址：新蒲崗錦榮街21號地舖講到價廉物美嘅餐廳又點少得新蒲崗呢間開咗三個月嘅新鋪——渝味碗碗香😎，佢哋喺一間齊集重慶同川菜嘅小餐館，由四個客家女士親手打造出正宗又高質嘅料理，店內雖然唔算好大，但環境企理坐得都幾舒服👍🏽，餐牌上嘅主食同特色小菜真喺非常多，就算不時放工外賣返屋企或者做飯堂都唔會食到厭🥡佢哋提供多款1-4人嘅套餐，我覺得最抵食都喺$68嘅優惠單人餐🙆🏻♂️，當中包咗一款主食、一款涼拌小食同餐飲，份量多而且好多嘢食都喺自家製/即製，確實唔錯✝️涼拌小食大大份嘅涼拌小食有6款任揀，全部都喺即叫即製唔會整定😍，酸酸辣辣嘅醬油蓋滿蓮藕片同木耳，咁清爽脆口嘅前菜真喺好易令人胃口大開👅✝️招牌秘制鴨用咗唔同香料同調味秘製嘅醬汁味道鹹甜兼具，好多人食過都返尋味，喺出面絕對食唔到呢種獨家嘅惹味，濃度恰到好處👌🏽，仲要一啲都唔會有膩嘅感覺。鴨肉肥瘦適中，口感細嫩💦，喺烹煮嘅過程中加咗少少白酒去癖羶，令鴨肉更易入口✝️無激素農家雞 佢哋標明無任何添加劑或激素，而且只會用自然飼料餵養，希望食客食都食得健康安心啲❤️，因為雞隻運動量充足，皮下脂肪較少，肉質鮮嫩帶有彈性🍗，仲淋左
地址：新蒲崗錦榮街21號地舖
講到價廉物美嘅餐廳又點少得新蒲崗呢間開咗三個月嘅新鋪——渝味碗碗香😎，佢哋喺一間齊集重慶同川菜嘅小餐館，由四個客家女士親手打造出正宗又高質嘅料理，店內雖然唔算好大，但環境企理坐得都幾舒服👍🏽，餐牌上嘅主食同特色小菜真喺非常多，就算不時放工外賣返屋企或者做飯堂都唔會食到厭🥡
佢哋提供多款1-4人嘅套餐，我覺得最抵食都喺$68嘅優惠單人餐🙆🏻♂️，當中包咗一款主食、一款涼拌小食同餐飲，份量多而且好多嘢食都喺自家製/即製，確實唔錯
✝️涼拌小食
大大份嘅涼拌小食有6款任揀，全部都喺即叫即製唔會整定😍，
酸酸辣辣嘅醬油蓋滿蓮藕片同木耳，咁清爽脆口嘅前菜真喺好易令人胃口大開👅
✝️招牌秘制鴨
用咗唔同香料同調味秘製嘅醬汁味道鹹甜兼具，好多人食過都返尋味，喺出面絕對食唔到呢種獨家嘅惹味，濃度恰到好處👌🏽，
仲要一啲都唔會有膩嘅感覺。鴨肉肥瘦適中，口感細嫩💦，喺烹煮嘅過程中加咗少少白酒去癖羶，令鴨肉更易入口
✝️無激素農家雞
佢哋標明無任何添加劑或激素，而且只會用自然飼料餵養，希望食客食都食得健康安心啲❤️，因為雞隻運動量充足，皮下脂肪較少，肉質鮮嫩帶有彈性🍗，仲淋左惹味嘅蒜油增添風味😋
✝️酸辣重慶小麵
麵底同湯底都可以自選，唔食得辣嘅朋友仔仲有清湯可以揀🍲。我叫咗酸辣嘅BB辣，紅醋同辣油混合成多層次嘅湯底，仲要一啲味精都無，食完唔會口渴😙，自家製嘅重慶小麵用咗雞蛋而且無加鹼水，食落特別彈牙有蛋香💯
✝️湯餃6隻 $36
新鮮包製嘅手工餃子除左堂食亦可以外賣生餃自己返去煮🥢，呢到每粒餃子都皮薄餡靚，大食啲嘅話可以加麵底🍜，除咗湯餃亦有煎餃，粟米鮮肉餃喺肉汁滿瀉嘅肉餡當中加咗粒粒香甜嘅粟米，
爽脆清甜🌽；冬菇鮮肉餃將菇香同肉香完美混和，都幾足料🥟 
跟餐加$15可以叫特飲，除咗有平時中式麵食餐館唔會見到嘅Latte之後，仲叫咗個特色爆珠奶茶，真喺完全估唔到呢到都會有台式奶茶飲😍，仲要喺用鮮奶，唔喺奶精‼️
特調嘅奶茶飲落醇香幼滑，裏面加左薏米、燕麥同馬蹄整嘅爆珠，口感層次相當豐富，每粒咬開都會爆出獨特甜香🧋
Post
