宴 尖沙咀

前晚同朋友終於試佐，呢間餐廳喺網上評價一向唔錯，裝潢帶少少日式風情，坐低之後感覺幾舒服，絕對係個唔錯嘅聚餐選擇！首先上嚟嘅係炸沖繩魷魚鬚 ，外層炸得香脆又唔油膩，內裡嘅魷魚爽口彈牙，啱啱好做開胃小食。配埋沖繩奧利恩啤酒 ，清新爽口，真係經典組合！厚炸沖繩島豆腐係當晚嘅一大亮點 ，外皮微脆但唔會太厚，豆腐裡邊滑滑嘅。自家製花生豆腐都值得一試，滑滑嘅口感入面帶有花生香氣，好少見嘅搭配，味道唔錯！另外試咗季節限定清爽冰葉 ，一上桌已經好清新，爽口解膩，襯住炸物一齊食平衡得啱啱好。最後點咗杯威士忌 highball ，淡淡嘅酒香唔會太搶味，為晚餐劃上完美句號！呢間餐廳不論氛圍定係菜色都處理得好到位，真心推薦俾鍾意日式料理又想試下沖繩風格嘅朋友！