Sky726

果然「人」如其名，Sky726位於旺角鬧市中25樓，一入到去就被落地大玻璃吸引，可以俯瞰市區。靚景要配美食。Brunch選擇多，同bff選擇咗海鮮意大利飯，同炸雞窩夫三文治。跟餐好抵，有湯、餐包同埋飲品。餐湯有意大利菜湯，有好多蔬菜。海鮮意大利飯好濃鮮蝦味，鮮味鹹味配合得好好。意大利飯唔會煮得過淋。海鮮好足料，有魷魚、大蝦、青口，亦都有好多雜菌。口感層次十足。炸雞窩夫三文治啱啱好切咗兩件，方便share食。窩夫夾雜炸雞，仲有蕃茄同埋生菜。窩夫甜甜地，配合炸雞嘅鹹鹹地，又幾夾。口感上，窩夫比較脆身。而炸雞仍然做到嫩口，有肉汁。是日甜品係朱古力蛋糕，口感似brownie，味道濃郁。喺星期六望住靚景，享受一個靚嘅brunch，係一大樂事。