Video
Read full review
2025-03-14
61 views
之前聽朋友講話食過呢間火鍋店超高質，而且佢朋友識老闆，所以就帶咗我同老公去試一試。打邊爐一定要落勁多蔥同芫茜做醬料！加多幾粒辣椒吊下味就更prefect！去到餐廳，見到香茅香茜卜卜蜆鍋先$128，勁想嗌！不過因為我哋提前預訂咗四位，所以餐廳送咗黑毛豬肋骨湯底，下次先再試卜卜蜆！黑毛豬肋骨湯底連啲豬肋骨都好好食！打完邊爐再食埋剩低少少，啲肉居然一啲都唔韌！前菜叫咗陳醋豬手，諗住豬手應該都會有啲膩，點知肉質勁彈牙，加埋陳醋酸酸哋，一啲都唔膩！唔小心打邊爐前就食咗好多舊！因為㨂咗好耐都唔知叫邊款肉好，老闆又認得我朋友，就話不如特別整一碟有齊雪花牛，封門柳，本地手切牛嘅拼盤俾我哋。想講啲牛真係超新鮮，好食到暈！因為係鮮牛肉，所以完全冇雪味，牛肉味勁濃、冇筋，師傅好識得㨂部位！呢碟目前係我食過最好食嘅牛肉！！刺身級別嘅北寄貝又係值得一讚！呢碟都係老闆推介俾我哋，輕輕淥一淥就食得，我數過大約淥10秒，啲肉質就可以保持嫩滑又鮮味！其實我平時係唔太食餃子，見佢哋叫咗招牌餃子，咁就唯有試吓。裡面包括有蝦餃、魚皮餃、韭菜餃，想講估唔到連餃都咁好食！！韭菜餃好驚喜，啲皮夠薄，韭菜好新鮮，而作為餡料之一嘅豬肉
打邊爐一定要落勁多蔥同芫茜做醬料！加多幾粒辣椒吊下味就更prefect！
去到餐廳，見到香茅香茜卜卜蜆鍋先$128，勁想嗌！不過因為我哋提前預訂咗四位，所以餐廳送咗黑毛豬肋骨湯底，下次先再試卜卜蜆！
黑毛豬肋骨湯底連啲豬肋骨都好好食！打完邊爐再食埋剩低少少，啲肉居然一啲都唔韌！
前菜叫咗陳醋豬手，諗住豬手應該都會有啲膩，點知肉質勁彈牙，加埋陳醋酸酸哋，一啲都唔膩！唔小心打邊爐前就食咗好多舊！
因為㨂咗好耐都唔知叫邊款肉好，老闆又認得我朋友，就話不如特別整一碟有齊雪花牛，封門柳，本地手切牛嘅拼盤俾我哋。想講啲牛真係超新鮮，好食到暈！因為係鮮牛肉，所以完全冇雪味，牛肉味勁濃、冇筋，師傅好識得㨂部位！呢碟目前係我食過最好食嘅牛肉！！
刺身級別嘅北寄貝又係值得一讚！呢碟都係老闆推介俾我哋，輕輕淥一淥就食得，我數過大約淥10秒，啲肉質就可以保持嫩滑又鮮味！
其實我平時係唔太食餃子，見佢哋叫咗招牌餃子，咁就唯有試吓。
裡面包括有蝦餃、魚皮餃、韭菜餃，想講估唔到連餃都咁好食！！韭菜餃好驚喜，啲皮夠薄，韭菜好新鮮，而作為餡料之一嘅豬肉好香甜，所以咬落去唔係淨係得韭菜做主角，而係豬肉同韭菜相輔相乘，所以點解呢個餃好味得咁緊要！
魚皮餃個皮好滑，好香！餡料豐富，起鍾意！
蝦餃十分足料，一咬落去濃濃嘅蝦味就飄出嚟，充滿整個口腔！連我呢個平時不好餃類嘅人都覺得好正，真係好值得推介。
師傅仲整咗碟新鮮炸好嘅響鈴同魚皮俾我哋嘆！個響鈴真係世一咁好食！我冇淥一淥佢，而係直接啪入口，鬆化到呢！！魚皮就比較厚身，我自己就鍾意薄身啲，脆口啲吖嘛！不過都炸得好香口！
嘢飲叫咗柑桔檸檬，鴨屎香，覺得柑桔檸檬甜啲好味啲，不過鴨屎香都好清香，食完咁多肉同炸嘢，呢兩杯嘢用嚟清一清味蕾剛剛好！
Post
