Video
Read full review
2021-11-02
1431 views
放工有事做黎到荃灣，搵晚飯既途中見到呢間類似沙律吧既餐廳，見到好多牛油果同三文魚就比佢吸引左！即刻拉埋男朋友睇下 男朋友見到個menu都岩佢口味 就好快決定左入去食喇!餐廳位置好方便 荃新天地2期地下顯眼位置開放式廚房令人放心食物衛生情況餐牌選擇好多~除左可以DIY自選仲可以叫預設好既款式~岩晒有選擇困難症既朋友 哈哈係收銀位置可以見到唔同既菜式 方便自己作出選擇每一款都好似好吸引喎!餐廳提供既唔係普通水~加入左西柚同羽衣甘藍~飲落有少少味又健康D 店鋪都幾用心啵我就叫左DIY自選~分別有牛油果，泡菜，蒜油八爪魚同松板豬~配菜要左紅菜頭，base就選擇左黃薑椰菜花+半糙米飯牛油果份量好多呀!!岩晒我依D牛油果控其他配料都相當不錯~蒜油八爪魚好彈牙同充滿住蒜油既香味，食得出好新鮮松板豬都好香口及爽口～每食一啖都有輕微既油脂感但又唔會過多紅菜頭都好好食～岩晒我半糙米飯依個選擇非常唔錯~混合白飯食口感好特別 而且夠晒健康男朋友就直接簡左夏威夷四重奏，base就要左烏冬佢依個都好好味呀！除左牛油果一樣咁大份之外 其他都好出色三文魚帶點輕微既辣味 好開胃吞拿魚同三文魚亦都好新鮮~就好似刺身店咁
即刻拉埋男朋友睇下 男朋友見到個menu都岩佢口味 就好快決定左入去食喇!
餐廳位置好方便 荃新天地2期地下顯眼位置
開放式廚房令人放心食物衛生情況
餐牌選擇好多~除左可以DIY自選仲可以叫預設好既款式~岩晒有選擇困難症既朋友 哈哈
係收銀位置可以見到唔同既菜式 方便自己作出選擇
每一款都好似好吸引喎!
餐廳提供既唔係普通水~加入左西柚同羽衣甘藍~飲落有少少味又健康D 店鋪都幾用心啵
我就叫左DIY自選~分別有牛油果，泡菜，蒜油八爪魚同松板豬~配菜要左紅菜頭，base就選擇左黃薑椰菜花+半糙米飯
牛油果份量好多呀!!岩晒我依D牛油果控其他配料都相當不錯~蒜油八爪魚好彈牙同充滿住蒜油既香味，食得出好新鮮
松板豬都好香口及爽口～每食一啖都有輕微既油脂感但又唔會過多
紅菜頭都好好食～岩晒我
半糙米飯依個選擇非常唔錯~混合白飯食口感好特別 而且夠晒健康男朋友就直接簡左夏威夷四重奏，base就要左烏冬
佢依個都好好味呀！除左牛油果一樣咁大份之外 其他都好出色三文魚帶點輕微既辣味 好開胃
吞拿魚同三文魚亦都好新鮮~就好似刺身店咁新鮮！
另外泰式熟蝦既調味亦都令人十分開胃，加上蝦隻夠晒新鮮彈牙
就連烏冬都處理得好好
男朋友極快就清晒成碗野～仲讚口不絕！
另外亦叫左一杯Red Dragon
酸酸甜甜好好飲而且亦係好健康既一杯飲品
Post
