Video
Read full review
2022-03-23
233 views
💗 #胃在土瓜環 🌙 #胃在cafe呼吸星球🪐位於土瓜灣嘅復古風咖啡店，和牛日式定食係餐廳招牌🤤，鍾意食牛嘅朋友不容錯過，而唔食牛嘅朋友都有素食嘅選擇~食物定價以食和牛嚟講中規中矩，咖啡店亦有酒精飲品供應，鐘意飲酒嘅朋友可以一試特色Cocktail🍸🥰.疫情期間，同朋友喺週日中午時間都唔使等位，3點過後先開始有一啲人流，但未至於爆滿，當然亦可以用手機預先book位。.📎同朋友叫咗一份和牛定食，兩杯咖啡同一份甜品🍰❤️燒汁特上石垣牛燒肉石頭鍋定食 ($268)定食份量充足，飯上面鋪滿石垣牛燒肉🤤，食到最底都仲有牛肉可以拌飯😚，米飯係用日本產十六穀炊飯，令食嘅過程唔會太膩，幾有口感。如果細食的話，同朋友兩個人share一份定食都好夠飽😌，如果唔夠飽仲可以免費添飯一次(只限定食)，但由於呢款定食係使用醃製過嘅牛肉，所以食到最後會有少少咸。.配菜沖繩海苔味增湯 (like!!)呢個味增湯係用個杯裝住，飲嘅時候幾有驚喜，意外地覺得好好飲，每一啖都有一絲絲海苔， 十分足料，食到最底仲有豆腐粒，而且湯嘅溫度啱啱好，飲完個人暖笠笠☺️記得趁佢熱嘅時候飲晒佢！.日式薯仔沙律🥔薯仔粒撈沙律醬，仲放咗啲一粒粒嘅
呼吸星球🪐
位於土瓜灣嘅復古風咖啡店，和牛日式定食係餐廳招牌🤤，鍾意食牛嘅朋友不容錯過，而唔食牛嘅朋友都有素食嘅選擇~食物定價以食和牛嚟講中規中矩，咖啡店亦有酒精飲品供應，鐘意飲酒嘅朋友可以一試特色Cocktail🍸🥰
.
疫情期間，同朋友喺週日中午時間都唔使等位，3點過後先開始有一啲人流，但未至於爆滿，當然亦可以用手機預先book位。
.
📎同朋友叫咗一份和牛定食，兩杯咖啡同一份甜品🍰
❤️燒汁特上石垣牛燒肉石頭鍋定食 ($268)
定食份量充足，飯上面鋪滿石垣牛燒肉🤤，食到最底都仲有牛肉可以拌飯😚，米飯係用日本產十六穀炊飯，令食嘅過程唔會太膩，幾有口感。如果細食的話，同朋友兩個人share一份定食都好夠飽😌，如果唔夠飽仲可以免費添飯一次(只限定食)，但由於呢款定食係使用醃製過嘅牛肉，所以食到最後會有少少咸。
.
配菜
沖繩海苔味增湯 (like!!)
呢個味增湯係用個杯裝住，飲嘅時候幾有驚喜，意外地覺得好好飲，每一啖都有一絲絲海苔， 十分足料，食到最底仲有豆腐粒，而且湯嘅溫度啱啱好，飲完個人暖笠笠☺️記得趁佢熱嘅時候飲晒佢！
.
日式薯仔沙律🥔
薯仔粒撈沙律醬，仲放咗啲一粒粒嘅脆脆，口感都幾豐富。
.
日本梅子酒漬蕃茄🍅
見到有為蕃茄仔剝咗皮幾細心，但對於我嚟講就有啲太甜。
.
飲品 Drinks (跟餐有9折)
有啲飲品以不同星球的名稱命名🪐，十分特別，唔飲得咖啡嘅朋友都可以選擇綠茶、梳打等其他飲品😋
.
❤️朱古力咖啡 Mocha ($59)
送來之前店員有建議我哋先食咗面頭嘅人手打鮮忌廉，鮮忌廉十分綿滑🥰，朱古力味亦充足，已將cream先食完，但整杯Mocha喝到最後仍有一點太甜嘅感覺，想飲冇咁甜嘅朋友可能可以試吓佢哋Dark Chocolate飲品系列🍫😚
❤️玫瑰牛奶咖啡 Venus [Rose latte] (跟set $50) (原價$55)
咖啡拉花同茶杯都好靚，用嚟打卡一流😍，有乾玫瑰花瓣鋪面，玫瑰味足，整體都不錯🌹
.
甜品
❤️日本產密瓜乳酪手工雪糕杯🍈（跟set $87) (原價$96)
雪糕杯為手工雪糕，因此定價較高，雪糕偏甜 ，但撈埋乳酪一齊食啱啱好😋，蜜瓜清甜，杯底都有餅碎配搭，口感不錯，份量則較為輕量，食飽咗主食之後都唔會食唔晒～
。
🤎環境😍😍😍
復古風，燈光環境餐具都好靚有特色，每張枱仲放咗鮮花添🌷，唔講咁多😚睇相啦！！
。
🤎服務態度
坐低冇耐餐廳職員會逐一介紹Menu，非常詳盡，如果甜品想後上嘅話要食完主食之後先再落單☺️
❣️有加一服務費
.
❤️🔥睇完快啲share比朋友一齊去啦！
♟土瓜灣馬頭角道91號地舖
💰人均消費: $100-200
#foodiehk #hkfoodie #土瓜灣Cafe#hkig#hkgirl #hkfood #stomachbbfoodie #hkcafe #打卡cafe #土瓜灣美食 #土瓜灣餐廳 #hkeat #復古cafe #復古風 #hkiger #tokwawan #tokwawancafe #香港打卡 #香港甜品 #想打卡呀胃
Post
