蝦蝦燒

Open Now

Now Closed

今晚同朋友嚟咗呢間餐廳，真係會抱住個肚走😂5 小時任飲任食新鮮嘅流水蝦任夾任食😋非常生猛。餐廳地方好大，除咗流水蝦，超過百款食物任你食，海鮮、串燒、熟食、火鍋配料、甜品同飲品，啤酒、清酒都係任飲，超級豐富!!!🐟海鮮區生蠔、鮑魚、大蜆、原條魚、扇貝、螺等…每人仲會送一串白鱔，肉身好肥美肉類/🍢串燒區串燒同肉類睇見都花多眼亂😂牛仔骨、豬仔髀、豬扒、羊架、雞皮、雞軟骨、雞柳、豬羊肉串、腸仔、多款丸類同蔬菜…仲有燒賣、窩夫🧇有驚喜!!!甜品雪糕杯、仲有自家製甜品飲品飲品選擇多，汽水啤酒任飲架～加一蚊仲有埋個小火鍋，燒烤又可以打邊爐，又可以夾流水蝦🦐有得玩有得食，今晚真係超滿足😋。