Video
Read full review
2024-07-04
95 views
🫶🏻想記錄多啲香港嘅大排檔~呢度可以見住廚師煮，鑊氣十足！🫶🏻今次叫咗最平嘅💰288小炒加煲仔嘅90分鐘放題，有>200樣嘢食，雞、牛、豬，湯羹、小食、粉麵飯包小炒同砂鍋煲，任飲任食，包埋任飲啤酒🍻，每人每次叫兩樣嘢，食咗80%先可以再叫，如果星期五、六同公眾假期前就每位加💰100！🫶🏻💰388就再有得食埋火鍋加麻辣水煮90分鐘放題🫶🏻💰488仲有得食生猛海鮮90分鐘放題，鮑魚，蟶子，大元貝，生蠔等都係任食🥰💰288/位嘅套餐叫咗以下：✨香辣新鮮魚皮 🔅推介🔅📝魚皮好爽脆，送酒一流，食到唔想停，香辣程度屬譚仔3少辣，不過食完啲辣都有啲後勁🤣，招牌必叫！✨豉油王新鮮鵝腸 🔅推介🔅📝好少地方有呢款菜，鵝腸新鮮彈牙爽口，配大量芽菜，唔會好肥膩✨海鹽香煎雪花牛柳粒 📝雪花牛柳粒偏瘦，叫咗個細嘅，簡單用海鹽調味，想食重口味啲可以揀返薯仔牛柳粒✨椒鹽鴨舌📝份量都好多，鴨舌炸過，微椒鹽味，鴨舌脆口，唔會好口炸粉同埋唔會好油，同樣係好好嘅佐酒小食✨菠蘿咕嚕肉📝大排檔其中最鍾意食嘅嘢係咕嚕肉，呢款就正常發揮✨魚香茄子煲📝上菜果陣係聽到咋咋聲，熱辣辣，冬天食應該會更加滋味，配飯一流！✨可愛BB鴿📝
🫶🏻想記錄多啲香港嘅大排檔~呢度可以見住廚師煮，鑊氣十足！
🫶🏻今次叫咗最平嘅💰288小炒加煲仔嘅90分鐘放題，有>200樣嘢食，雞、牛、豬，湯羹、小食、粉麵飯包小炒同砂鍋煲，任飲任食，包埋任飲啤酒🍻，每人每次叫兩樣嘢，食咗80%先可以再叫，如果星期五、六同公眾假期前就每位加💰100！
🫶🏻💰388就再有得食埋火鍋加麻辣水煮90分鐘放題
🫶🏻💰488仲有得食生猛海鮮90分鐘放題，鮑魚，蟶子，大元貝，生蠔等都係任食🥰
💰288/位嘅套餐叫咗以下：
✨香辣新鮮魚皮 🔅推介🔅
📝魚皮好爽脆，送酒一流，食到唔想停，香辣程度屬譚仔3少辣，不過食完啲辣都有啲後勁🤣，招牌必叫！
✨豉油王新鮮鵝腸 🔅推介🔅
📝好少地方有呢款菜，鵝腸新鮮彈牙爽口，配大量芽菜，唔會好肥膩
✨海鹽香煎雪花牛柳粒
📝雪花牛柳粒偏瘦，叫咗個細嘅，簡單用海鹽調味，想食重口味啲可以揀返薯仔牛柳粒
✨椒鹽鴨舌
📝份量都好多，鴨舌炸過，微椒鹽味，鴨舌脆口，唔會好口炸粉同埋唔會好油，同樣係好好嘅佐酒小食
✨菠蘿咕嚕肉
📝大排檔其中最鍾意食嘅嘢係咕嚕肉，呢款就正常發揮
✨魚香茄子煲
📝上菜果陣係聽到咋咋聲，熱辣辣，冬天食應該會更加滋味，配飯一流！
✨可愛BB鴿
📝BB鴿細細隻，肉質都嫩，皮都香脆
新肥泉海鮮大排檔
📍佐敦寶靈街17號官涌市政大廈2樓熟食中心
(佐敦🚇C2出口行6分鐘就到)
⏰12:00-23:45
💫評分: 7.7/10
💬所有小菜都係例牌份量，希望大家唔好嘥食得晒先好嗌，多啲人嚟share應該可以試多啲，可以試好多幾款小菜，見佢炒嘢咁有鑊氣其實好想試佢個黑松露蛋白炒飯，希望下次有機會，嗰晚食到捧住個肚走好滿足！大家支持下香港有特色嘅餐廳！
🏃🏻♀️再訪？🄼🄰🅈🄱🄴
#美食 #香港 #新肥泉海鮮大排檔 #香港美食 #任食大排檔 #foodieblog #instadaily #foodporn #hkfoodblog #discoverhk #tagsforlike #foodiehk #foodlover #discoverhongkong #hkfoodie #hkfoodlover #hkfood #foodinstagram #夜繽紛 #香港好去處 #任食 #香港大排檔 #香港必食 #佐敦 #佐敦美食 #地道美食 #大排檔
Post
