Video
Read full review
2012-08-13
46 views
首先要一讚F小姐搵食好有taste，晚飯夜俾左兩個選擇我點點心同 california pizza kitchen，兩間我都想食喔係為左罪惡感無咁大既情況下揀左食點心：點點心點心已經再唔係早上或者下午先可以食，而係演變到可以想食就食，亦唔一定要去茶樓食，都幾彈性之前有食過佐敦哥間點點心，都幾好食，哥時仲打包幾個點心返去但哥個地方係幾隔攝既，係佐敦既渡船角，基本上唔會路過哥個地方，無咩機會特登再食***旺角既點點心地方唔算好大，一去到既時候已經全場爆滿但拎左飛之後係門口等左一陣就有位等既時候見到門口貼滿左雜誌既報導同名星既合照記得最近佢仲拎左個食店既獎，係繼Time Out Hong Kong 2011 Food and Drinks Award 後又拎一個獎，人氣高企呢場內主要以木製枱櫈為主，地方偏窄但店員都幾有禮，店員以年紀既長既婦女為主，服務唔錯，加茶加得幾頻密，換熱茶速度亦幾快返黎正題，由於加埋D先生既原故，3個人都嗌到幾多野食鮑汁鳯爪：除左鳯爪炆得好淋好入味，比添好運既鳯爪要淋身得多膠質十分豐富，的確很難得，同金御既鮑汁鳯爪有得揮，醬汁亦很香沙律蝦春卷：食物夠熱，脆皮整得夠香
點點心同 california pizza kitchen，
兩間我都想食喔
係為左罪惡感無咁大既情況下揀左食點心：點點心
點心已經再唔係早上或者下午先可以食，而係演變到可以想食就食，亦唔一定要去茶樓食，都幾彈性
之前有食過佐敦哥間點點心，都幾好食，哥時仲打包幾個點心返去
但哥個地方係幾隔攝既，係佐敦既渡船角，
基本上唔會路過哥個地方，無咩機會特登再食
***
旺角既點點心地方唔算好大，一去到既時候已經全場爆滿
但拎左飛之後係門口等左一陣就有位
等既時候見到門口貼滿左雜誌既報導同名星既合照
記得最近佢仲拎左個食店既獎，係繼Time Out Hong Kong 2011 Food and Drinks Award 後又拎一個獎，人氣高企呢場內主要以木製枱櫈為主，地方偏窄
但店員都幾有禮，店員以年紀既長既婦女為主，服務唔錯，加茶加得幾頻密，換熱茶速度亦幾快返黎正題，由於加埋D先生既原故，3個人都嗌到幾多野食
鮑汁鳯爪：除左鳯爪炆得好淋好入味，比添好運既鳯爪要淋身得多膠質十分豐富，的確很難得，同金御既鮑汁鳯爪有得揮，醬汁亦很香
沙律蝦春卷：食物夠熱，脆皮整得夠香脆，但脆皮比一般既薄身，入面有鮮蝦，水果同爆漿沙律醬，一咬落去，入面既沙律醬就湧哂出黎
黑椒金錢肚：賣相很新鮮，偏好凹凸紋很明顯既牛肚，食落稍失黑椒味，但食落都很幾有咬勁，但可惜既係呢度既牛肚稍有不及煌府牛肚既口感
脆皮鮮蝦腸：全晚最好食既點心，內裏炸既部分比想像中要酥脆，食到卡卡聲，鮮蝦夠爽香，加在埋薄薄既腸粉皮，點埋豉油，好吸引呢，呢個點心亦相對係其他地方少見
腐乳通菜：呢隻菜係賣點心既地方很少食到既，翠綠既通菜加上味道獨特既腐乳醬，很和階既配合
3.6牛乳凍（芒果）：奶凍係用一個高身既杯裝住，所謂既芒果就係用芒果醬畫上一個大笑臉，簡既圖案也足以令人回心微笑，用既係日本既3.6牛乳，所以奶凍比一般既奶味要重，加上芒果醬有點酸酸的，食落唔會太膩
我地由差唔多9點坐到到11點，雖然人來人往，但都無話出面多人等位到我地要走，都可以係一個幾好既傾計地方講緊每個點心都係十幾蚊都幾抵食，同朋友都有同感呢度既點心要比蓮香樓既便宜同好食多，
可能蓮香樓賣既係氣氛同老香港文化吧
點點心，努力經營，發揮香港既點心文化吧！
平均消費：$80
Post
