Undici

Open Now

Now Closed

同老公去咗銅鑼灣呢間人氣高企樓上Cafe食lunch，我哋未夠12 點去到等佢開門，坐低冇耐好快已經坐滿客人，所以大家記得預先訂位。裝修以水泥工業風為主走型格路線，食物質素好高，佢哋平日一至四仲有+$28蛋糕放題，呢個真係好吸引，我下次一定要平日再去食😁🔶招牌名古屋鰻魚大阪燒意大利飯原條鰻魚超長超誇張，下面係嫩滑炒蛋包住忌廉蘑菇意大利飯，加上大阪燒嘅醬汁同埋木魚，食落去好香好有層次，呢個非常之有特色。🔶蒜香辣椒蜆肉意大利粉配軟殼蟹軟殼蟹外層好香脆，仲有唔少嘅蜆肉，意粉炒得好乾身好香，食落少少辣好惹味。🔶黑松露野菌湯湯好濃郁入口順滑，帶黑松露香味。🔶抹茶芝士蛋糕🔶朱古力芝士蛋糕芝士蛋糕口感綿密，芝士味香濃，兩款口味都唔錯，食完唔會覺得好膩。🔷拿鐵🔷美式咖啡食完芝士蛋糕飲埋杯咖啡真係冇得頂。