Video
Read full review
2025-04-06
554 views
之前即日想book九龍區分店，但係full booking。今次上訴，下午5點半就喺荃灣分店門口排隊，想食第一輪，竟然已經有唔少人喺度排隊，真係唔可以睇小佢嘅人氣。餐廳仿照七八十年代香港街頭大排檔的復古設計，加入大量懷舊元素，連牆面都刻意做舊，貼有各式各樣手寫菜單，彷彿令人穿越時光回到舊時。店內燈光昏黃溫暖，背景播放粵語老歌或電視劇主題曲。懷舊復古主題嘅餐廳可以帶俾人新鮮和有趣嘅感覺，當然呢度嘅食物味道都唔錯，價錢又合宜，真正重現咗以前大排檔「平、靚、正」精神！✔️菠蘿拔絲咕嚕肉（梅頭）$119餐廳選用肥瘦相間的「梅頭肉」（豬肩肉），口感會爽口彈牙d，唔會因為肉類過瘦而形成乾柴口感。酸甜口味適中，非常開胃。菠蘿以外仲加入咗切塊水蜜桃，口味更加清爽。碟邊仲有「拔絲」，顧客可因應自己喜好，將咕嚕肉和糖絲夾埋一齊食。✔️魚香茄子煲$96 茄子軟糯吸盡醬香，微辣帶鮮，與豬肉末爆炒後入砂煲燜煮，上桌時煲底滋滋作響，香氣四溢。送飯一流。✔️香濃南乳粗齋煲$88雜燴素料有: 枝竹、冬菇、白菜、蘿蔔、腐竹等，以南乳、花生醬、柱侯醬慢燉。食材吸飽醬汁，濃稠帶膠質，素食都充滿豐腴感。✔️楚撚記豬油撈飯$25在熱騰
✔️菠蘿拔絲咕嚕肉（梅頭）$119
餐廳選用肥瘦相間的「梅頭肉」（豬肩肉），口感會爽口彈牙d，唔會因為肉類過瘦而形成乾柴口感。酸甜口味適中，非常開胃。菠蘿以外仲加入咗切塊水蜜桃，口味更加清爽。碟邊仲有「拔絲」，顧客可因應自己喜好，將咕嚕肉和糖絲夾埋一齊食。
✔️魚香茄子煲$96
茄子軟糯吸盡醬香，微辣帶鮮，與豬肉末爆炒後入砂煲燜煮，上桌時煲底滋滋作響，香氣四溢。送飯一流。
✔️香濃南乳粗齋煲$88
雜燴素料有: 枝竹、冬菇、白菜、蘿蔔、腐竹等，以南乳、花生醬、柱侯醬慢燉。食材吸飽醬汁，濃稠帶膠質，素食都充滿豐腴感。
✔️楚撚記豬油撈飯$25在熱騰騰米飯上，顧客自己淋上豬油和醬油，然後快速攪拌至每粒米飯裹上油光，加埋蔥花更能提香。
✔️香芋椰汁西米露（贈送）
食完正餐仲有糖水贈送，香芋椰汁西米露、清心丸二揀一，揀咗香芋椰汁西米露，入面嘅芋泥好綿密，天然芋頭和椰汁味都好濃郁，甜度適中。
Post
