麥記美食 (景文樓)

Open Now

Now Closed

一直Bookmark咗呢間隱世米芝蓮小店「麥記美食」，之前得外賣檔真係唔方便，終於等到佢哋開堂食舖！雖然位唔多但坐得舒服，重點係用街坊價食到星級水準嘅上海菜，CP值爆燈啊～ 1⃣️ 雲吞擔擔麵套餐（$63）（豆漿+$6） ✨驚豔位：湯底！花生醬味濃到掛喉，仲有脆口花生碎提升層次～雲吞皮薄餡靚，蝦肉彈牙！生煎鍋貼底脆到「咔嚓」聲，咬開爆肉汁💥 私心推薦蘸秘製辣醬，唔係死辣反而帶蒜香，襯到絕！2️⃣ 鴛鴦套餐（$57）（凍檸茶+$3） 生煎包vs鍋貼雙拼滿足選擇困難症👏 酸辣湯足料，有筍絲木耳，酸度醒胃唔嗆喉，配煎包一流！3️⃣ 小籠包（$32） 湯汁清甜冇豬膻味，一啖咬落爆汁。4️⃣ 麻辣紅油抄手（$30） 🌶️麻香後勁凌厲，配上面頭肉碎非常惹味！紅油帶微微甜味，雲吞皮吸盡醬汁超邪惡～