Video
Read full review
2017-12-04
143 views
生日正日同屋企人去左外遊慶祝，番黎同熊生補戈祝番🥂想食西餐又唔想食意大利野，搵搵下就搵到出名食西班牙菜既Sabor。星期六夜晚餐廳一邊有private event，一邊係散客。食完paella後足足等左一個鐘有多先有甜品食😑侍應解釋係因為當晚廚房人手不足，加上隔離有包場event(聽得出，因為好嘈)，所以出菜方面有delay。等到好夜差啲想起身埋單走...最後侍應幫我地免左酒水費，雖然服務態度好好，但甜品失色，整體未必可以吸引到我地再黎。餐前小吃 tomato toastie with olive oil - 番茄切成細粒，淋上優質橄欖油，小小脆口好開胃，要快啲食唔係會淋左。另外有一小碗有核橄欖，一啲都唔苦澀，去核既先係次貨😉Clams in fish sauce - 用魚、蝦熬湯煮蜆後再焗，鮮味無窮！湯先係主角，一瞬間已飲晒見底😋Garlic shrimp - 上枱時仲係滋滋聲，底部層油將蒜片炸得好脆。鮮蝦彈牙爽口，回味無窮，得四隻唔夠喉！Suckling pig - book位時事先將menu上既grilled cuttlefish加$50轉做西班牙燒乳豬，絕對係一個正確決定。新鮮
生日正日同屋企人去左外遊慶祝，番黎同熊生補戈祝番🥂想食西餐又唔想食意大利野，搵搵下就搵到出名食西班牙菜既Sabor。星期六夜晚餐廳一邊有private event，一邊係散客。食完paella後足足等左一個鐘有多先有甜品食😑侍應解釋係因為當晚廚房人手不足，加上隔離有包場event(聽得出，因為好嘈)，所以出菜方面有delay。等到好夜差啲想起身埋單走...最後侍應幫我地免左酒水費，雖然服務態度好好，但甜品失色，整體未必可以吸引到我地再黎。
餐前小吃 tomato toastie with olive oil - 番茄切成細粒，淋上優質橄欖油，小小脆口好開胃，要快啲食唔係會淋左。另外有一小碗有核橄欖，一啲都唔苦澀，去核既先係次貨😉
Clams in fish sauce - 用魚、蝦熬湯煮蜆後再焗，鮮味無窮！湯先係主角，一瞬間已飲晒見底😋
Clams in fish sauce
7 views
0 likes
0 comments
Garlic shrimp - 上枱時仲係滋滋聲，底部層油將蒜片炸得好脆。鮮蝦彈牙爽口，回味無窮，得四隻唔夠喉！
Garlic shrimp
15 views
0 likes
0 comments
Suckling pig - book位時事先將menu上既grilled cuttlefish加$50轉做西班牙燒乳豬，絕對係一個正確決定。新鮮焗起既乳豬皮脆卜卜，好香口既脂肪同肉同時喺口中溶化，肉味又夠濃，同平時食既乳豬簡直係天同地比。伴碟既焗切片薯仔都係重點must try!
Suckling pig
14 views
0 likes
0 comments
Soup of the day - 我同熊生揀左一熱一凍，試齊兩款 1. 蘑菇湯伴蛋白泡沫及黑松露油 (熱) 菇味濃、熱辣辣，仲食到粒粒蘑菇茸，係我最鐘意既蘑蘑湯境界😍 2. 番茄凍湯 - raw番茄同忌廉、香草一齊打至滑身，加入生蒜所以會幾辣下，不過幾特別，冇喺出面見過，值得一試。
蘑菇湯伴蛋白泡沫及黑松露油
19 views
0 likes
0 comments
番茄凍湯
18 views
0 likes
0 comments
Mixed fruit sorbet - 飲完較濃味既湯後清清味蕾。可惜太甜，試左小小就放低左。
Seafood paella - 除左面頭既四隻蝦同兩隻蜆，飯入面仲有其他海鮮如墨魚帶子等。依足侍應指示，將近鑊邊硬啲脆啲既飯同鑊中心較軟熟既撈埋一齊食，有雙重口感；擠入檸檬汁味道更豐富。依道菜同侍應推介既紅酒好夾👍🏻
Seafood paella
30 views
0 likes
0 comments
Dessert - chocolate lava cake 應該係熊生事先request左🤓 朱古力味濃郁又流心，雖然唔係食過最出色既，不過都交足功課。
Dessert of the day - Oreo tiramisu with berries ice cream 唔係好食得出有酒味，只係不過不失既一道甜品，仲要等左咁耐😞主菜精采好多呢。
Oreo tiramisu with berries ice cream
11 views
0 likes
0 comments
Post
