利寶會館

Open Now

Now Closed

利寶會館濃湯雞煲翅 （足三両）濃湯雞煲翅溉湯汁質感同味道濃郁而不膩，加入紅醋提味，令人胃口大開。足三両魚翅口感爽滑彈牙，仲滲透住濃郁嘅湯汁。係一道令人回味嘅佳餚。脆皮燒乳鴿脆皮燒乳鴿肉質嫩滑，外皮烤得香脆，口感非常高質。肉質帶有微微嘅甜味，搭上香脆嘅外皮，非常出色。菠蘿咕嚕肉菠蘿咕嚕肉十分經典，又考功夫。口感酸甜，而且肉質軟嫩。排骨炒得恰到好處，保持嚼勁，搭配上鮮甜清新嘅菠蘿，紅椒青椒同醬汁，非常開胃，令人食指大動。菜遠炒牛肉菜遠炒牛肉嘅牛肉非常有鑊氣，牛肉片肉質嫩滑，並唔需要太多咀嚼嘅功夫，軟腍易入口，牛肉味香濃。菜心口感新鮮爽脆，火候掌握得宜。飄香荷葉飯飄香荷葉飯飯粒鬆軟而有嚼勁，搭配上荷葉嘅清香，同時散發出迷人嘅香氣。荷葉飯內加上瘦肉，同冬菇，非常足料精緻。生磨蛋白杏仁茶生磨蛋白杏仁茶，杏仁香氣濃郁，蛋白口感綿密，帶嚟獨特嘅風味。杏仁茶富含營養，而且仲有舒緩情緒嘅效果，暖暖一碗飲落去，令人份外舒服。芝麻卷拼山楂卷餐廳遞上最後一道精緻甜品，芝麻卷拼山楂卷，芝麻卷芝麻味得出，灑上少量白色芝麻，黑白對比，份外精緻。山楂卷唔係度度都食到，餐廳製作得非常出色，酸甜感覺令人愉悅。