一起食堂 (域多利皇后街)

Open Now

Now Closed

同朋友行完中環街市見到對面呢間台式餐廳，入到去雖然地方唔算好大，但坐得幾舒服，環境都幾乾淨。店員好有禮貌，上菜都算快。我哋叫咗幾樣嘢試吓：爆蔥溫泉蛋雞串丼：呢個真係正！雞肉好嫩滑，加埋個溫泉蛋一撈落去，超香超入味，份量又大，男仔食都飽。烤台灣香腸同椒鹽豬耳朵：好惹味，香腸甜甜地，唔會太鹹；豬耳朵脆脆地，有咬口，啱晒配茶／啤酒。仲叫咗涼拌牛腱同鹽酥雞，全部都唔錯，尤其係鹽酥雞唔會太油，好香口，夠哂台味。飲品方面我叫咗冷泡白桃烏龍茶，清清地又解膩，好啱配炸物。最開心係價錢超合理，兩個人食到超飽都係$291，中環嚟講真係罕有。CP值爆燈🥹