Video
Read full review
2019-03-12
216 views
突然思鄉情懷想食腸粉，見最近開咗好多賣腸粉嘅小店，所以就落深水埗搵腸粉食。今次就食「五嫂石磨腸粉」本身食完一碟蜜汁叉燒腸加蛋就諗住夠皮啦，點知行過隔離街見到有分店，咁就係分店食多碟蒸米粉試下蜜汁叉燒腸加蛋（$20）因為加咗雞蛋，嘩！果陣蛋香+腸粉味，真係好香好令人懷念🤤🤤。個豉油汁我就覺得麻麻，因為就比較似潮汕腸粉果隻汁咁酸酸甜甜，而我比較鍾意台山式嘅咸甜嘅豉油。雖然粉皮做到滑口嘅口感，但太薄身啦，薄到好似面膜咁，食完好似食空氣咁。可能因為比較似潮汕腸粉嘅整法，所以唔係好食到台山嘅風味。蒸米粉（$25）蒸米粉都係第一次食，原來係用蛋皮包住d米粉嚟蒸。就咁食，係完全無味，勁淡，所以要好似腸粉咁加豉油食。不過我對呢隻偏向潮汕腸粉嘅豉油麻麻地，所以就算落咗豉油我都係覺得唔夠咸味，種酸味真係唔啱我食。如果鍾意食潮汕腸粉嘅朋友，可以試下呢個蒸米粉。雖然話係石磨腸粉，石磨機就成部放係道，但係今日就無機會見即場磨粉漿，所以唔知真係成磨定係用粉開水嘅😂😂
突然思鄉情懷想食腸粉，見最近開咗好多賣腸粉嘅小店，所以就落深水埗搵腸粉食。今次就食「五嫂石磨腸粉」
本身食完一碟蜜汁叉燒腸加蛋就諗住夠皮啦，點知行過隔離街見到有分店，咁就係分店食多碟蒸米粉試下
蜜汁叉燒腸加蛋（$20）
因為加咗雞蛋，嘩！果陣蛋香+腸粉味，真係好香好令人懷念🤤🤤。個豉油汁我就覺得麻麻，因為就比較似潮汕腸粉果隻汁咁酸酸甜甜，而我比較鍾意台山式嘅咸甜嘅豉油。雖然粉皮做到滑口嘅口感，但太薄身啦，薄到好似面膜咁，食完好似食空氣咁。可能因為比較似潮汕腸粉嘅整法，所以唔係好食到台山嘅風味。
27 views
0 likes
0 comments
蒸米粉（$25）
蒸米粉都係第一次食，原來係用蛋皮包住d米粉嚟蒸。就咁食，係完全無味，勁淡，所以要好似腸粉咁加豉油食。不過我對呢隻偏向潮汕腸粉嘅豉油麻麻地，所以就算落咗豉油我都係覺得唔夠咸味，種酸味真係唔啱我食。如果鍾意食潮汕腸粉嘅朋友，可以試下呢個蒸米粉。
32 views
0 likes
0 comments
雖然話係石磨腸粉，石磨機就成部放係道，但係今日就無機會見即場磨粉漿，所以唔知真係成磨定係用粉開水嘅😂😂
Post
